John 18:15 - Hawaii Pidgin Bible

¹⁵ Simon Peter go wit Jesus. An anodda guy Jesus stay teach go too—dass me John. Da Main Pries Guy know me. Dass how I wen go inside da Main Pries Guy open lanai togedda wit Jesus.

John 18:15 ပူးပေါင်းရင်းမြစ်များ

Matthew 26:3

Dat time, da Main Pries guys an da older leadas fo da peopo come togedda inside da Main Pries Guy palace. Kaiafas, he da Main Pries Guy dat time.

Mark 14:54

Peter go wea Jesus go, but he stay far. He go inside da open lanai an sit down ova dea wit da police guys fo get warm by da fire.

Luke 22:54

Afta dey bus Jesus, dey take him away inside da Main Pries Guy house. Peter go too, but he stay far.

John 18:24

Den Annas sen Jesus, all tie up, to da Main Pries Guy, Kaiafas.

John 18:28

Den da guys dat work fo da Main Pries Guy take Jesus away from Kaiafas place to da Rome army headquarters. Was early morning time. But dey neva go inside da Rome guys place, cuz if dey do dat, bumbye dey no can eat da spesho food fo da Passova ceremony, cuz dat make um jalike dey pilau.