John 17:12 - Hawaii Pidgin Bible

¹² All da time I wen stay wit dem inside da world, I use yoa powa fo take kea dem. I yoa guy, an I help dem stay tight wit you. Nobody come wipe out. Ony da one guy Judas, da guy dat like jam me up, he come wipe out, jalike da Bible tell long time befo time.

John 17:12 ပူးပေါင်းရင်းမြစ်များ

Songs 41:9

Even my bestes fren, Da guy I wen trus plenny, Da guy dat stay an eat at my house Befo time, Even him wen go agains me!

John 13:18

“I no talk bout all you guys. I know da guys I wen pick. But gotta happen jalike da Bible tell from befo time, ‘One guy dat eat wit me go agains me.’

John 17:6

“Da guys you wen give me from inside da world fo be my guys, I wen teach dem bout you, fo dem know you. Dey was yoa guys, an you give dem to me. Dey do wat you tell um fo do.

John 18:9

He tell dat fo make wat he tell befo time happen, da time he tell “Faddah, Da guys you wen give me, I neva lose dem, not even one guy.”

John 6:37

Erybody da Faddah pick fo be my guys, dey goin come by me. No way I eva goin throw out da peopo dat come by me!

Jesus Guys 1:25

fo him work fo you an tell bout you cuz Judas no stay. Judas wen go awready da place dass fo him.”

Philippi 2:9

Dass why God make Jesus da Main Guy. He give him one spesho name, Fo tell wat kine guy him. Cuz he mo importan den all da big name guys!

2 Tessalonika 2:3

No let nobody bulai you bout notting. Befo Jesus come back, goin get peopo dat stan up agains God an fight um. Same time, one Real Bad Guy dat goin broke all da rules goin show up. Dat buggah, he all set up awready fo God wipe um out.

Hebrews 2:13

An one mo time, anodda place in da Bible, Jesus tell dis: “I goin trus God erytime.” An anodda place, he tell dis one mo time: “Look! Dis me! An dese guys, dey God kids! God wen give dem to me!”

1 John 2:19

Dem guys wen go way from us, but dey neva was wit us. If dey was oua guys, den fo shua dey stay wit us. But dey wen go way, an dat show dat all dem guys neva was oua guys.

Jesus Show 19:12

His eyes shine jalike da fire, an on top his head he get plenny crown. He get one name dat stay write on top him dat nobody know. Ony him, he know um.