John 15:7 - Hawaii Pidgin Bible

⁷ If you guys stay tight wit me, an stick wit da tings I stay tell you guys, den you guys can aks God fo wateva you guys like, an he goin do um fo you guys.

John 15:7 ပူးပေါင်းရင်းမြစ်များ

1 Kings 3:5

Wen King Solomon stay Gibeon side, Da One In Charge show up fo Solomon see um inside one dream, one nite wen Solomon stay sleep. God tell um, “Wateva you like me give you, you aks me.”

Job 22:26

Cuz den fo shua you goin stay good inside Bout Da God Dat Get All Da Powa. You no goin come shame fo face God.

Job 23:12

I no go bag from wat he tell fo do. I lissen good wat he tell. Cuz I know az jalike rich kine stuffs he give me, An dass mo betta den da food I eat ery day.

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Songs 37:4

Stay good inside Bout wat Da One In Charge stay do, Den he goin give you Eryting you like.

Smart Guys 10:24

Da bad guys, da worses ting dat dey tink can happen to dem, Dass wat goin happen. Da guys dat stay do da right ting, da ting dey like da mostes, Dass wat dey goin get.

Smart Guys 4:4

My faddah, he wen show me Wat I suppose to do. He tell me dis: “Good yoa head keep da tings I tell. Do da tings I tell you fo do, Den you can live fo real kine.

Isaiah 58:8

“Den, wen dass how you ack, Goin be jalike wen da sun come up— Erybody goin see Dat you guys get life from me, Da One In Charge. All da place you get cut an scratch, New skin goin grow dea real quick. Cuz you stay do da right ting erytime You goin know wea fo go. An cuz Da One In Charge stay awesome He no goin let nobody come from behind you fo hurt you.

Jeremiah 15:16

Wen I hear wat you tell, I lissen real good, Jalike I stay eat um up! All dat make me stay good inside, Make me like dance an sing. Cuz peopo know I stay tight wit you! Da One In Charge, you da God Ova All Da Armies!

Matthew 7:7

“Go aks God, an you goin get um. Go look, an you goin find um. Go knock, an God goin open da door fo you.

John 14:13

Wateva you guys go aks me fo do cuz you my guys, I goin do um. Den erybody can know how awesome my Faddah stay, cuz I his Boy, an I show dem how awesome he stay.

John 15:16

You guys neva pick me. I wen pick you guys, an give you dis job: go do plenny good stuff dat goin las long time, jalike one grape vine dat give plenny good fruit long time. Den, watevas you go aks my Faddah fo do cuz you my guys, he goin do um fo you.

John 16:23

“Wen dat time come, you guys no need aks me bout notting. Dass right! I tell you guys, wateva you guys aks my Faddah fo do cuz you my guys, he goin do um fo you guys.

John 8:31

Den Jesus tell da Jew guys dat trus him, “If you guys stay tight wit me an da stuff I stay teach you, den you goin be my guys fo real kine, an you guys goin learn mo plenny stuff from me.

John 8:37

“I know fo shua you guys come from Abraham. But still yet, you guys stay trying fo kill me, cuz you guys no like take da stuff I stay teach.

Galatia 4:2

Da boy get peopo ova him his faddah wen pick fo take kea him an his stuffs. He gotta do wat dey tell um fo do till da time come dat his faddah wen pick fo da boy take ova his faddah stuffs.

Galatia 5:16

But I like tell you guys dis: Stay tight wit God Spirit, an you guys no goin do da bad kine stuff yoa body tell you fo do.

Rules Secon Time 6:6

Dese tings I stay tell you guys fo do today, you gotta tink plenny bout um.

Colosse 3:16

Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing.

1 John 2:14

I stay write to you small kids Cuz you guys know da Faddah fo real kine. I stay write to you faddah guys, Cuz you guys know da One dat stay from befo time. I stay write to you young guys, Cuz wat God tell stay inside you guys, an you guys strong, An you guys wen fight da Bad Guy, Satan, an win!

1 John 2:27

But you guys get powa from da Good An Spesho Spirit. He awready stay inside you guys, so you guys no need nobody fo teach you. God Spirit stay teach you guys bout eryting, an wat he teach stay true. He no bulai nobody. So, stay tight wit him, jalike he wen teach you guys fo do.

1 John 3:22

An we get from God wateva we tell him fo do fo us, cuz us do wat he tell us fo do. We do wat he like.

1 John 5:14

Erytime we go aks God fo do da tings he like make happen, we know fo shua dat he lissen us.