John 15:6 - Hawaii Pidgin Bible

⁶ Whoeva no stay tight wit me, dey jalike one branch dat no stay good. Dass da kine branch peopo throw out, an da branch dry up. Den dey go get all da odda dry branches, an throw um inside da fire fo burn.

John 15:6 ပူးပေါင်းရင်းမြစ်များ

2 Samuel 23:7

But whoeva touch one bush wit thorns Gotta dig wit one iron tool o da stick part a one spear. Den, gotta burn um all up, Right dea wea da bush wit thorns stay.”

Job 15:30

Dey no goin get away from da dark place cuz dey goin mahke. Dey goin be jalike one tree dat da shoots goin dry up from one fire. God goin breave an dey all goin blow away.

Songs 80:15

Dass us, jalike da grape plant You wen plant, Da young grape plant Dat you wen make grow.

Isaiah 14:19

But you guys, wen you mahke, Da peopo throw you out on top da groun An no let you lay inside yoa grave, Jalike somebody cut off one branch dat make da tree come sick An throw um outside. Da odda guys dey wen kill wit swords, same time, Dey go all da way down to da stone inside da Big Black Hole, Dea mahke bodies lay dea on top you, Jalike da body az one blanket fo you.

Isaiah 27:10

Da big town dat get strong wall Wea nobody can come inside, Nobody stay dea. Jalike da boonies, ony da cows stay dea. Da peopo, all gone awready. Get small cows stay eat grass dea. Dey eat all da stuff from da tree branches. Den dey lay down ova dea.

Ezekiel 17:9

“Tell da peopo, ‘Dis wat Da One In Charge, da Boss, tell: You guys tink da plant goin grow good, o wat? Fo shua, somebody goin pull out da roots now, an make all da fruits come off, an da plant goin dry up! Fo shua, all da fresh grapes dey jus pau pick goin dry up. No need powa o plenny peopo fo pull out dis one wit da roots.

Matthew 13:41

I da Fo Real Kine Guy, you know, an I goin sen my angel guys all ova da place wea I stay King, fo pull out all da guys dat broke da Rules From God an dat tell da odda guys fo broke da Rules too.

Matthew 27:5

So Judas throw down da thirty silva coins right dea inside da Temple, an go out an hang himself.

Matthew 3:10

Awready get one guy wit one ax, all ready fo cut da tree roots. All da trees dat no make good fruit, he goin cut um, an throw um inside da fire.

Matthew 7:19

All da trees dat no give good kine fruit, dey cut um down an throw um on top da fire.

John 15:2

All da peopo dat tell dey stay tight wit me, but dey no do notting, my Faddah take um off, jalike da grape farma guy take off all da branches dat no mo fruit. An all da peopo dat stay tight wit me, he take away da junk kine stuff from inside dem, jalike wen da grape farma guy trim da branches fo dem get plenny fruit.

Hebrews 10:27

If we no pau do da bad kine stuff, den no mo notting we can do, but ony stay sked. Az cuz us stay waiting fo da time wen God da Judge goin punish us. Dat time goin get one skery fire dat goin burn up all da peopo dat go agains God.

2 Peter 2:20

Fo get outa da pilau kine stuff hea inside dis world, gotta know Da One In Charge a us guys, Jesus Christ. But if peopo know Christ, an den change dea mind, an get all hook up wit da pilau stuff jalike befo time, dat stuff goin take ova dem. Dey mo worse den befo time.

1 John 2:19

Dem guys wen go way from us, but dey neva was wit us. If dey was oua guys, den fo shua dey stay wit us. But dey wen go way, an dat show dat all dem guys neva was oua guys.

Jesus Show 20:15

Erybody dat no mo dea name inside Da Book Dat Tell Who Get God Kine Life, God throw dem inside da lava lake dat stay burn.

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.