John 15:25 - Hawaii Pidgin Bible

²⁵ But all dis stuff stay happen, jalike dea Rules tell, ‘Dey hate me fo notting.’

John 15:25 ပူးပေါင်းရင်းမြစ်များ

Songs 109:3

Dey come all aroun me Fo tell how plenny dey hate me. Dey attack me, no matta I neva do notting to dem.

Songs 35:19

Da bulaia guys dat stay agains me, No let dem feel good Cuz dey win ova me. Da ones dat hate me No matta I neva do notting to dem, No let dem smile cuz I feel bad.

Songs 69:4

Da peopo dat stay hate me, An I neva do notting Fo make dem hate me, Get mo plenny a dem, Den I get hairs on top my head! Get choke plenny peopo Dat like kill me Fo make me shut up foeva! Dey stay agains me, But dey ony bulai bout me. Dey talk jalike I gotta give back someting Dat I neva take away from nobody!

Songs 7:4

O if I wen go set up my fren So someting bad happen to him, O if I rip off somebody dat give me hard time, Jus cuz I like do um—

Matthew 10:8

Make da sick guys come good, make da mahke guys come back alive one mo time, make da lepa guys come good, an make da bad kine spirits no bodda da peopo no moa. God give you guys plenny, an he no expeck notting back. So den, you guys give plenny too, an you guys no expeck notting back.

Luke 24:44

He tell um, “All dis happen jalike I wen tell you guys wen I stay wit you. Eryting Moses wen write inside da Rules, an eryting da odda guys dat wen talk fo God wen write down, an eryting dat get inside da Songs Fo God—all da stuff dat stay from befo time inside da Bible, all dat, talk bout me! An eryting dey wen write, goin happen!”

John 10:34

Jesus tell dem, “Eh, God wen tell dis in yoa Rules, ‘I tell you guys, da ones in charge, you guys gods.’

John 13:18

“I no talk bout all you guys. I know da guys I wen pick. But gotta happen jalike da Bible tell from befo time, ‘One guy dat eat wit me go agains me.’

John 19:36

All dis happen jalike da Bible tell befo time, “Not even one bone goin get broke.”

Rome 3:19

We know eryting wat da Rules From God tell, fo da peopo dat get da Rules ova dem. Dass why no can make excuse wit God. An bumbye erybody all ova da world gotta go in front God da Judge fo show dey all get da blame.

Rome 3:24

But can get um right wit God, cuz God get one good heart an like do plenny good stuff fo peopo. God cut dem loose from da powa da bad kine stuff get ova dem, wen dey stay tight wit Jesus Christ.

2 Corint 11:7

I neva tell you guys fo pay me wen I wen teach you guys da Good Stuff From God. I wen come notting fo me make you guys look good. You guys figga dass wrong fo me fo do, o wat?

Galatia 2:21

I no goin tell all da good tings God wen do fo us guys good fo notting. If us ony get um right wit God cuz we do wat da Rules tell us guys fo do, den poho Christ wen mahke fo us.

2 Tessalonika 3:8

We neva jus eat stuff fo free dat time, you know. We wen bus ass day time an nite time, doing all kine work. We wen make lidat cuz we neva like make hard fo nobody, dass why.

Jesus Show 21:6

Den he tell me, “Dass it! Eryting pau! Me, da One wen do all dese tings, from firs to las, A to Z. Whoeva stay thirsty, I goin give um watta fo drink from da puka fo da watta dat make peopo get life fo real kine, an no need pay.

Jesus Show 22:17

Bumbye da peopo dat stay spesho fo God goin come togedda wit me, jalike wen one wahine marry one guy. So da Good An Spesho Spirit an God peopo, dey tell, ‘Try come!’ Erybody dat hear dat, tell ‘Try come!’ too. Whoeva stay thirsty let um come, an whoeva like, let um take da watta dat make um come alive fo real kine, an no goin cost dem notting.”