John 14:31 - Hawaii Pidgin Bible

³¹ But no matta he stay come, cuz I goin do wat my Faddah tell me fo do. Dat goin show da peopo inside da world dat I get love an aloha fo my Faddah. “Come on! We goin go!”

John 14:31 ပူးပေါင်းရင်းမြစ်များ

Songs 40:8

You my God, An wen I do wat you like fo me do, Dat make me come good inside! Da Rules you teach stay inside me.

Isaiah 50:5

Da One In Charge a me open my ear fo me lissen good. Me, I no go agains him, An I no turn aroun an go da wrong way.

Matthew 26:39

He walk mo down, an go down on top da groun, an talk to God lidis: “God, you my Faddah. If can, no let me suffa lidis. But if no can, dass okay. I like do um da way you like, not da way I like do um.”

Matthew 26:46

Wake up! We go by dem now. Da guy dat goin set me up stay hea awready.”

Luke 12:50

But firs I gotta suffa plenny, an I get hard time now till dat pau.

John 10:18

No mo nobody can make me go mahke. Ony me can tell I gotta mahke, an come back alive. Dass wat my Faddah wen tell me fo do.”

John 12:27

Den Jesus tell, “Right now I feel all funny kine inside. Wat I goin tell? ‘Faddah, no let me mahke!’? No way I goin tell dat! Dass why I wen come hea, fo me mahke.

John 12:49

Az cuz I neva tell stuff jus cuz I like, but my Faddah dat wen sen me tell me eryting he like me fo tell.

John 13:1

Was jus befo da Passova time. Jesus know dat was time fo him fo go outa dis world, an go by his Faddah. He erytime get love an aloha fo his peopo dat stay inside da world, an he get love an aloha fo dem to da max.

John 15:9

“Jalike da Faddah get love an aloha fo me, dass how I get love an aloha fo you guys. Hang in dea an stay tight wit me, fo me give you guys my love an aloha.

John 18:11

Jesus tell Peter, “Put back yoa sword! My Faddah tell I suppose to suffa all dis kine stuff, an dass wat I goin do! Jalike he give me one cup full wit bitta kine stuff fo drink, an I goin drink da whole ting.”

John 4:34

Jesus tell, “I do wat God like, an I do all his work. Dass jalike food fo me.

Philippi 2:8

He make jalike he no stay importan. He do eryting God tell um fo do, Even if he gotta mahke. An not jus regula kine mahke, you know. Was mo worse, he gotta mahke on top one cross!