John 14:21 - Hawaii Pidgin Bible

²¹ “Whoeva take wat I tell um fo do, an do um, dass da ones dat get love an aloha fo me. My Faddah goin get love an aloha fo dem, an I goin get love an aloha fo um, an I goin show um who me fo real kine.”

John 14:21 ပူးပေါင်းရင်းမြစ်များ

2 Kings 18:6

He stay tight wit Da One In Charge, an no go follow odda kine stuff. He do eryting jalike Da One In Charge wen tell Moses dat da peopo gotta do.

Songs 35:27

Da peopo dat stay good inside Wen da judge tell I okay, I like dem yell Cuz dey feel good inside. I like dem tell erytime, “Da One In Charge, he awesome! Wen eryting go okay fo da guys dat stay work fo him, He stay plenny good inside!”

Outa Egypt 33:18

Den Moses tell, “Try show me how awesome you stay fo real kine.”

Smart Guys 8:17

“I get love an aloha fo erybody dat get love an aloha fo me. Erybody dat go look fo me, dey goin find me.

Jeremiah 31:31

Da One In Charge tell, “You know wat?! Da time goin come, Wen I goin make one new deal Wit da Israel peopo an da Judah peopo.

Zefaniah 3:17

Yoa God, Da One In Charge, stay right dea wit you guys! He get plenny powa fo make you guys da winnas! He goin dance an sing bout you guys. He goin make you guys come so notting bodda you, Cuz he get love an aloha fo you guys. He goin yell, cuz he stay real good inside bout you guys!’ ”

Luke 11:28

But Jesus tell, “Da peopo dat hear wat God tell um fo do, an do um, dey da ones dat stay real good inside!”

John 14:15

“If you guys get love an aloha fo me, you goin do wat I tell you guys fo do.

John 14:18

“I no goin leave you guys all alone. I goin come back by you guys.

John 15:14

You guys stay my frenz, if you guys do da stuff I stay tell you guys fo do.

John 16:14

Dass how he goin show how awesome I stay, cuz he goin take all da true stuff bout me an show you guys wat all dat mean.

John 16:27

My Faddah, he da One dat get love an aloha fo you guys, cuz you guys get love an aloha fo me, an you stay shua dat I wen come from God.

John 17:23

I stay tight wit dem, an you stay tight wit me. Den dey goin stick togedda to da max. Cuz dey stick togedda, da peopo inside da world goin know dat you da One dat sen me hea, an dat you get love an aloha fo dem guys jalike you get love an aloha fo me.

Jesus Guys 22:18

He tell me, ‘Hurry up! Go way from Jerusalem right now cuz dey no goin like da stuff you tell bout me!’

2 Corint 12:8

Three time awready I wen beg Da One In Charge fo take dis ting away from me.

2 Corint 3:18

Az how he change us fo us come mo an mo jalike one awesome copy a Jesus. An oua face no stay cova up now, fo us show how awesome Da One In Charge stay. Da Spirit from Da One In Charge help us fo do dat.

2 Corint 4:6

God wen tell, “From da dark place, I like da light fo shine,” an he make his light shine inside us guys! Wen we look at Christ face, az jalike God give us da light fo undastan how awesome God stay.

Rules Secon Time 11:13

“So, if you guys fo real kine lissen da rules dat me Da One In Charge give you guys today—fo get love an aloha fo me, yoa God, an work fo me wit eryting inside, wit how you feel, an wit how you tink—

Rules Secon Time 7:13

He goin get love an aloha fo you guys, an do good tings fo you guys, an make you guys come plenny peopo. He goin do good tings fo yoa kids, same ting fo da food dat grow from yoa land—yoa wheat an barley, yoa new wine, yoa olive oil—da bebe cows, an da bebe sheeps an goats. Dass how goin stay inside da land dat he wen make da strong promise to yoa ancesta guys fo give you.

2 Tessalonika 2:16

Da One In Charge a us guys, Jesus Christ, an God oua Faddah too, dey get love an aloha fo all us guys. God get one good heart, an he no stop give us guys good kine words an help us wait till da good tings happen.

2 Timoty 4:22

I like Da One In Charge stay tight wit eryting inside you. An I like him fo do plenny good kine stuffs fo all you guys!

1 John 2:5

But whoeva do wat God tell um fo do, dey show dey get plenny love an aloha fo God. Da love an aloha stay come good to da max inside dem. Dass how we know we stay tight wit God.

1 John 3:1

Tink bout da kine love an aloha da Faddah wen show us! He even call us his kids! An us his kids fo real kine, you know. Az why da peopo inside da world donno wat kine peopo us, cuz dey donno God.

1 John 5:3

Wen us get love an aloha fo God, dat mean we do wat he tell us fo do. An da stuff he tell us fo do, az not too hard.

2 John 1:6

Dis how we show dat we get love an aloha: We do wat God tell us fo do. Dis wat he wen tell us, you guys gotta do all da tings he wen tell us fo do, jalike you guys wen hear from da start.

Jesus Show 2:17

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um some a da manna kine bread fo eat Dat God wen hide fo dem befo time. An I goin give um one white stone Wit one new name Dat God wen write on top um. Da guy dat get dat name, He da ony one goin know um.

Jesus Show 22:14

“Erybody dat wash dea clotheses clean, dey can stay good inside, cuz dey get da right fo eat from da tree dat make peopo come alive fo real kine. An fo go inside God big town thru da gate.

Jesus Show 3:20

Lissen up! I stay ova hea. I stay stand outside da door an knock. Whoevas hear my voice, an open da door, I goin go inside his place, an eat wit him, an he goin eat wit me.’ ”