John 14:15 - Hawaii Pidgin Bible

¹⁵ “If you guys get love an aloha fo me, you goin do wat I tell you guys fo do.

John 14:15 ပူးပေါင်းရင်းမြစ်များ

2 Kings 18:6

He stay tight wit Da One In Charge, an no go follow odda kine stuff. He do eryting jalike Da One In Charge wen tell Moses dat da peopo gotta do.

Matthew 10:37

“Whoeva get love fo his faddah o his muddah mo den he get love fo me, dass not good enuff fo him be my guy. An whoeva get love fo his boy o his girl mo den he get love fo me, dass not good enuff fo him be my guy.

John 8:42

Jesus tell dem, “If God was you guys faddah, den you guys wen get love an aloha fo me, cuz I come from God, an now I stay hea. I no come hea jus fo me. I wen come hea cuz God wen sen me hea.

1 Corint 16:22

Anybody dat no mo love an aloha fo Da One In Charge, dey goin get punish fo shua! “Marana Tha!” You know wat dat mean? “Eh, Boss! Come back!”

Galatia 5:6

Wen us stay tight wit Jesus Christ, no matta us cut skin o no cut skin, main ting, we gotta trus God, an show plenny love an aloha fo God an odda peopo.

Efesus 6:24

I like fo God do plenny good kine tings fo you guys an fo all da peopo dat hang in dea wit love an aloha fo Da One In Charge a us guys, az Jesus Christ.

1 Peter 1:8

No matta you guys neva see Jesus, still yet you get love an aloha fo him. You guys still no can see him, but still yet you guys trus him. You guys feel real good inside, mo plenny den you can tell.

2 John 1:6

Dis how we show dat we get love an aloha: We do wat God tell us fo do. Dis wat he wen tell us, you guys gotta do all da tings he wen tell us fo do, jalike you guys wen hear from da start.