John 14:1 - Hawaii Pidgin Bible

¹ “No need you guys come all bodda inside. Trus God, an trus me too.

John 14:1 ပူးပေါင်းရင်းမြစ်များ

Songs 43:5

I tink lidis: “Eh! No need I stay All bum out inside! No need I stay moan! Cuz God, him da One I wait fo, Fo help me! Cuz you know wat? I get mo plenny good tings Fo tell bout him! Him, he da God fo me, An he erytime get me outa trouble.”

Songs 77:10

I tell dis too: “Da ting dat bodda me Da mostes, is dis: Da God Dass Mo Importan Den All Da Odda Gods, He use his powa now fo do Diffren kine stuff den befo time.”

Isaiah 26:3

Da One In Charge, you take kea Whoevas stay shua bout wat dey tink. Az why dey no mo worries Cuz dey trus you.

Jeremiah 8:18

Jeremiah tell, “I real sad! No way I can come good from dat! Inside, I come weak.

John 11:33

Wen Jesus see her crying, an da Jew guys dat come wit her crying too, dat bodda him plenny an he come all shook up inside.

John 12:27

Den Jesus tell, “Right now I feel all funny kine inside. Wat I goin tell? ‘Faddah, no let me mahke!’? No way I goin tell dat! Dass why I wen come hea, fo me mahke.

John 12:44

Jesus talk loud an tell, “Whoeva trus me, he no trus ony me, he trus da One dat wen sen me hea too.

John 13:19

I stay tell you guys dis now, befo he do um, so wen he do um, you guys goin know fo shua dat I God Spesho Guy.

John 16:24

Befo now, you guys neva go aks my Faddah fo do notting cuz you my guys. Go aks now, an you guys goin get um, fo you guys stay good inside to da max.

John 16:3

Dey goin make lidat to you guys cuz dey donno my Faddah an dey donno me.

John 16:6

I tell you guys dis stuff awready. Dass why you guys stay all sad an crying inside.

John 5:23

My Faddah like erybody get respeck fo me, cuz I his Boy, jalike dey get respeck fo him. Whoeva no mo respeck fo me, cuz I his Boy, dey no mo respeck fo my Faddah dat wen sen me hea.

John 6:40

Jalike I wen tell: dis wat my Faddah like, da One dat sen me: Erybody dat see me his Boy, an trus me, dey goin get da real kine life dat goin stay to da max foeva! An I goin make dem come back alive wen da world goin come pau.”

2 Corint 2:7

So now, let um go an no stay mad at him. Talk nice to him. No good da guy come bum out an give up cuz he awready come real sad cuz a you guys.

Efesus 1:15

I hear dat you guys trus Jesus, Da One In Charge, an you guys get love an aloha fo all da peopo dat go all out fo him.

2 Tessalonika 2:2

no let yoa head come all hamajang. If you guys hear dat Jesus, Da One In Charge, wen come back awready, o if some spirit o some guy tell dat, o even dey wen read um from some odda letta dat dey tell we wen write, no go lissen!

1 Peter 1:21

Cuz a wat Christ wen do, you guys can trus God plenny. God wen make Christ come back alive! He make him come awesome to da max! Az why now, God da One you guys stay trus. An him da One you stay wait fo.