John 13:4 - Hawaii Pidgin Bible

⁴ So Jesus stan up from da table, take off his robe, an put one towel aroun his wais.

John 13:4 ပူးပေါင်းရင်းမြစ်များ

2 Kings 3:11

But Jehoshafat tell, “No mo nobody dat talk fo Da One In Charge ova hea, o wat? Fo us guys aks Da One In Charge wat fo do!” One officer fo da Israel king tell, “Elisha, Shafat boy, stay hea. Befo time, he hang out wit Elijah fo help him.”

Luke 12:37

Wen da boss come back, goin be good fo da worka guys dat stay awake an watching. Dass right! An I like tell you guys dis too: Fo dem, da boss goin put on one worka clotheses, make his worka guys sit down at da table, an bring um food.

Luke 17:7

“Wat you tink? If get one worka guy dat plow da dirt fo his boss, o take kea his sheeps, wen da guy come inside from da field, you tink da boss goin tell um, ‘Come on! Eat’? No way!

Luke 17:8

Da boss goin tell, ‘Make my suppa, go get ready, an bring um all fo me fo me eat an drink. Afta dat, you goin eat an drink.’ Dass wat he goin tell um fo do.

Luke 22:27

Who you guys figga da main guy? Da guy dat stay sit by da table o da guy dat bring him da food? You figga da guy dat sit by da table? But me, I not lidat. You know, I stay wit you guys, but I work fo you guys.

John 13:12

Afta Jesus wash dea feets, he put on his robe an go back by da table. Den he aks um, “Eh, you guys undastan how come I wash you guys feets?

2 Corint 8:9

You guys know dat Da One In Charge a us guys, Jesus Christ, wen do plenny good tings fo you guys. Befo time he was rich, but he wen come pooa fo help you guys fo come rich.

1 John 3:11

Da firs time you wen hear bout Jesus, we wen tell dis: Us gotta get love an aloha fo each odda.