John 13:23 - Hawaii Pidgin Bible

²³ One a Jesus guys stay sit by him at da table. Jesus get plenny love an aloha fo dat guy.

John 13:23 ပူးပေါင်းရင်းမြစ်များ

2 Samuel 12:3

Da odda guy, he ony get one girl kine bebe sheep dat he wen buy. He take kea um, an da sheep come big wit him an his kids. Da sheep eat his food, drink from his cup, an even go sleep wen he hold um. She come jalike his ohana!

1 Kings 4:5

Azariah Nathan boy, in charge a da districk govna guys. Zabud Nathan boy was one pries, an one good fren dat da King trus.

Luke 16:22

“Bumbye da begga guy mahke an da angel guys carry him to da mos importan place nex to Abraham. An da rich guy mahke too, an dey bury him.

John 1:18

No mo nobody wen see God fo real kine. But ony dat Guy wen see um. No mo anodda guy jalike him cuz he God too. No mo nobody stay mo tight wit his Faddah den him. He da One dat wen show how God stay.

John 11:3

So Lazarus sistahs sen guys fo tell Jesus, “You Da One In Charge, yoa good fren Lazarus, he stay sick.”

John 11:36

Den da Jew guys tell, “Look, how plenny love an aloha he get fo Lazarus!”

John 11:5

Jesus get love an aloha fo da sistahs, Marta an Mary, an fo Lazarus too.

John 13:24

So Simon Peter nod da head at da guy an tell, “Eh! Try find out who he talking bout.”

John 13:25

So da guy move mo close an aks Jesus, “Eh, Boss! Who da guy?”

John 19:26

Jesus see his muddah standing dea, wit one guy he teach, da one he get plenny love an aloha fo. (Dass was me, John, you know.) So Jesus tell his muddah, “Look, Ma, dis yoa boy now.”

John 20:2

So she run ova dea wea Simon Peter stay, an me, da guy dat Jesus get love an aloha fo, I stay dea wit Peter. She tell us, “Dey wen take Da One In Charge away! He no stay inside da place dey wen bury um! We donno wea dey put um!”

John 21:20

Peter turn aroun, an spock me walking behind dem. I one a Jesus guys, da one Jesus get plenny love an aloha fo. I da guy dat wen sit by Jesus da time dey eat da Passova food, an I wen aks Jesus, “Eh Boss, who da guy dat goin set you up fo mahke?”

John 21:24

An you know who dat guy dat Jesus talk bout, aah? Was me, John! Jesus, he my teacha. I stay tell you guys all dis stuff. I wen see um happen, an I wen write um all down. An we all know da stuff I stay tell you guys, dat stuff stay true.

John 21:7

Me, I was dea too. I da guy dat Jesus get plenny love an aloha fo. I tell Peter, “Eh! Dass Da One In Charge!” Wen Simon Peter hear dat, he put on his shirt dat he take off befo he go work, an den he jump outa da boat fo swim quick to da beach,