John 13:19 - Hawaii Pidgin Bible

¹⁹ I stay tell you guys dis now, befo he do um, so wen he do um, you guys goin know fo shua dat I God Spesho Guy.

John 13:19 ပူးပေါင်းရင်းမြစ်များ

Isaiah 41:23

An tell us wat goin happen bumbye. Den we goin know dat you idol kine gods, You fo real! Do someting, good o bad, Den we goin come bum out an sked, Wen all us guys togedda see wat you do!

Isaiah 43:10

Dis, wat Da One In Charge tell: “You guys goin tell Wat you know bout me. An I wen pick you guys fo work fo me, Fo you guys know who me, An trus me, an know dat I da One. Befo me, neva have anodda god. An no goin get no odda god afta me.

Isaiah 48:5

Az why I wen tell you guys all dis stuff Long time befo time, befo wen happen. I wen make shua you guys hear um, So den you guys no can tell, ‘Az was my idol kine god dat do um, My wood kine god an my metal kine god, Dey da one tell fo make um happen!’

Malakai 3:1

Da One In Charge, da God Ova All Da Armies, tell dis: “You know wat I goin do? I stay ready fo sen my messenja guy. He goin make ready da road befo I go dea. Da boss guy goin show up Befo you tink he goin come Ova dea inside his Temple! Dat messenja guy da one Dat you guys tell you stay look fo him, He da messenja dat tell bout da deal. An you guys tell, ‘Us guys goin stay real good inside wen he come!’ You neva know, o wat?! Fo shua he goin come!

Matthew 11:3

Dey tell him, “Eh, you da guy suppose to come, o wat? O we suppose to wait fo anodda guy fo come?”

Matthew 24:25

“Eh! Befo all dat happen, I stay tell you guys eryting now awready.

Luke 21:13

Den you guys goin get chance fo tell dem da Good Stuff From God.

John 1:15

John, he tell peopo wat he know bout dat Guy. He talk real strong fo all da peopo hear. He tell, “Dis da Guy I wen talk bout wen I tell, ‘Bumbye one Guy goin show up, an dat Guy mo importan den me, cuz he stay awready from befo I born.’ ”

John 14:29

I tell you guys all dis stuff befo da ting happen. So wen da ting happen, you guys goin trus me.

John 16:4

I wen tell you guys dis stuff too, so wen da time come, you guys no goin foget dat I wen tell you guys bout um. I neva tell you guys dis stuff befo, cuz I was wit you guys.

John 4:26

Jesus tell, “Dass me, da One dat stay talk to you right now.”

John 8:28

Jesus tell, “Bumbye you guys goin put me, da Fo Real Kine Guy, high on top one cross. Den you guys goin know dat I da Spesho Guy, an wateva I do, az not jus me dat do um. I ony teach da stuff my Faddah teach me.

John 8:58

Jesus tell dem, “Dass right! An I tell you guys dis too: Befo Abraham born, I stay awready.”