John 13:10 - Hawaii Pidgin Bible

¹⁰ Jesus tell him, “Whoeva wen bafe, dey ony need wash dea feets. Dea body stay clean awready. You guys stay clean inside, but not all you guys.”

John 13:10 ပူးပေါင်းရင်းမြစ်များ

Teacha 7:20

Get peopo all ova da world Dat do wat da Rules From God tell um fo do, But no mo even one a dem dat do wass right erytime, An no do notting bad eva.

Love Song 4:7

Honey Girl, you look so beautiful all ova. No mo notting look bad bout you.

Jeremiah 50:20

Da One In Charge tell: “Dat time, Peopo goin try fo find stuff dat da Israel peopo get da blame fo, An dey no goin find notting. Dey goin look fo bad kine tings da Judah peopo do, An dey no goin find notting. Cuz I goin let go da peopo dat I let stay alive, An hemo dea shame.”

Prieses 16:26

“Da guy dat make da goat dat take da blame go da boonies, he gotta wash his clotheses, an bafe in watta. Den he can go back inside da camp.

Prieses 16:28

Da guy dat take dese tings fo burn gotta wash his clotheses, an bafe in watta. Den he can go back inside da camp.

Matthew 6:12

Let us go, an hemo oua shame Fo all da bad kine stuff we do to you, Jalike we let da odda guy go, An we no stay huhu wit dem Fo da bad kine stuff dey do to us.

John 13:18

“I no talk bout all you guys. I know da guys I wen pick. But gotta happen jalike da Bible tell from befo time, ‘One guy dat eat wit me go agains me.’

John 13:9

Simon Peter tell him, “Kay den, you Da One In Charge! No wash ony my feets. Wash my hands an my head too!”

John 15:3

“From da stuff I stay tell you, you guys stay clean inside awready, jalike da branches da grape farma guy trim.

2 Corint 5:17

Dass why, whoeva stay tight wit Christ, dey one new guy. Da ol tings no stay no moa! Look! Da new tings stay come!

2 Corint 5:21

Christ, he neva do notting bad, but God wen make him take inside him all da bad kine stuff us guys wen do. God wen do dat fo us guys come pono, jalike God stay pono. Dass wat Christ wen do.

2 Corint 7:1

My frenz, we get all dis stuff God wen promise us. Dass why us guys gotta clean out all da bad kine stuff dat make us pilau inside o outside, an go all out fo come clean an spesho fo God fo real kine, cuz we get real plenny respeck fo him jalike we sked him.

1 Tessalonika 5:23

Kay den, God, he make us guys come so notting bodda us. I like God make you guys come good an spesho fo him; an make you guys stay clean inside—spirit, heart, body, eryting! Den nobody can poin finga you, from now till Da One In Charge a us guys, Jesus Christ, come back.

Hebrews 9:10

Dat sacrifice stuff dey make, dass ony bout how da peopo can o no can eat an drink stuffs, an all da diffren kine ways dey suppose to wash diffren kine tings. But you know, dass ony rules bout da outside kine stuff dey suppose to do. Wen God make eryting come new, no need all dat.

James 3:2

All us guys, we all jam up plenny. But if get one guy dat no jam up eva wen he talk, dat guy stay all grown up inside, an he know how fo take charge a da way he live an no do bad kine stuff.