John 12:46 - Hawaii Pidgin Bible

⁴⁶ I wen come inside da world fo da peopo know da trut, jalike me da light fo dem. An whoeva trus me, dey goin know da trut. Dey no goin stay jalike dey dark inside an donno notting.

John 12:46 ပူးပေါင်းရင်းမြစ်များ

Songs 36:9

Da fo real kine life, All come from you, An dass how us guys know how fo live, Jalike you let us see da light.

Isaiah 40:1

Dis wat yoa God tell you guys: “Make my peopo come so notting bodda dem! Help um feel good inside!

Isaiah 42:15

I goin bus up da mountains an hills, An make eryting dat grow on top dem come all dry. I goin make da rivas come down low Fo dem get islans in da middo. I goin dry up all da ponds.

Isaiah 42:7

Wen I tell ‘light,’ dis wat I mean: Jalike you goin open da eyes Fo peopo dat no can see, Jalike you goin take out da peopo Inside one prison unda da groun, Da ones dat stay inside one dark place.

Malakai 4:2

But fo you guys dat feel real sked Wen you tink bout wat kine god me, Erybody goin see fo real kine wat stay right, Jalike wen da bright sun come up An you can see eryting mo clear. An dass goin make all you guys feel good. Den, you guys goin run aroun an jump, Jalike wen peopo let da bebe cows outa da pen!

Matthew 4:16

Da peopo ova dea dat stay inside da dark, Dey see one big light now. An all da guys dat stay In da dark place wea peopo goin mahke, Da light come fo dem.”

Luke 2:32

He jalike one light Fo make yoa peopo come awesome, Da Israel peopo, An fo show all da odda peopos Inside da world Wat stay right.”

John 1:9

Dat time wen John stay teach, jalike da light dass fo real stay come inside da world. Dass da light dat show erybody wass true.

John 3:19

“God wen sen da light inside da world. Da light show erybody how dey stay inside. But da peopo like stick wit da dark an dey hate da light, cuz dey stay do bad kine stuff. Dass why God goin punish da peopo.

John 8:12

Jesus talk to da peopo one mo time. He tell, “I jalike da light fo da peopo inside da world. Whoeva come by me an be my guy, dey no goin go aroun inside da dark. Dey goin get da light dat make dem live fo real kine.”

John 9:39

Jesus tell um, “I wen come inside dis world fo show who do da bad kine stuff. Bumbye da guys dat no can see, goin see, an da guys dat see goin come blind.”

John 9:5

I stay inside da world now, an I jalike da light fo da peopo all ova da world.”

Jesus Guys 26:18

fo open dea eyes an fo turn um away from da dark kine stuff to da light; fo turn um away from da powa Satan get an turn um to God. Den I goin let um go, an hemo dea shame fo all da bad kine stuff dey do. Den dey can come togedda wit all da peopo dat trus me an come good an spesho fo me.’

Efesus 5:14

God make da bad kine stuff come good, jalike da light make da dark kine stuff come jalike light too. Get one song dat tell: “Eh, you dat stay sleep, wake up! Go come back alive from mahke! Christ goin be da light fo you.”