John 12:32 - Hawaii Pidgin Bible

³² Wen dey lif me up from da groun fo kill me, den I goin bring erybody by me.”

John 12:32 ပူးပေါင်းရင်းမြစ်များ

2 Samuel 18:9

Absalom spock some a David guys. He stay ride his mule fo run away. But wen da mule go unda da thick branches from one big oak tree, Absalom head come stuck inside da tree branches. He stay hang ova dea cuz his mule stay go an no stop.

Love Song 1:4

Take me away wit you! Hurry up! Us go! Eh! You my king guy! Bring me inside da bedroom! Us guys like dance an sing cuz a you! We stay real good inside! Us goin talk good bout how you guys make love togedda now, Mo den we talk good bout da wine. So az right, fo dem get plenny love an aloha fo you!

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Isaiah 49:6

So now, dis wat Da One In Charge tell: “But dass ony one small kine job, Fo you bring back by me Da ohanas dat come from Jacob, An da ones from da Israel ohanas Dat I wen take kea. Mo den dat, I goin make you Jalike one light fo da peopo dass not Jew guys Fo you come da one Dat goin get peopo all ova da world outa trouble fo me, Even da peopo from da mos far places inside da world.”

Hosea 11:4

I wen lead dem wit my yoke straps, An make nice to dem. I wen show love fo dem. Az jalike I wen take da yoke off dea neck, An bend down fo feed dem.

Census 21:9

So Moses make one bronze metal snake, an put um up on top one high pos. Den wen one snake bite somebody, da guy look da bronze snake statue, an dey goin stay alive.

John 1:7

God sen um fo tell all da peopo wat he know bout da light from God, fo dem trus God cuz a him. Dass his kuleana.

John 12:34

Da peopo tell him, “We wen hear from da Rules From God dat da Christ Guy goin live foeva. Den how come you tell, ‘Dey goin take me, da Fo Real Kine Guy, an lif me up from da groun fo kill me’? Who dis Fo Real Kine Guy dat you stay talk bout?”

John 18:32

Wen dey tell dat, da ting Jesus tell befo time, happen. He tell his guys awready dat he goin mahke da Rome way on top one cross.

John 19:17

He carry da cross dey goin use fo kill um outside da town, da place dey call “Da Skull Place,” an da Jews call um “Golgota,” dea language.

John 3:14

“You know, long time befo time inside da boonies, Moses put one snake on top one pos fo erybody look um an come good. Da same ting gotta happen to me, da Fo Real Kine Guy. Dey goin put me on top one cross,

John 6:44

My Faddah wen sen me hea. No mo nobody can come by me, if my Faddah no bring um. An I goin make dem guys come back alive from mahke wen da world goin come pau.

John 8:28

Jesus tell, “Bumbye you guys goin put me, da Fo Real Kine Guy, high on top one cross. Den you guys goin know dat I da Spesho Guy, an wateva I do, az not jus me dat do um. I ony teach da stuff my Faddah teach me.

Galatia 3:13

Christ, he wen pay da price fo cut us guys loose, so we no gotta do eryting da Rules tell us fo do fo get um right wit God. Dass why now, we no mo kahuna on top us. Da kahuna we get wen go on top Christ, cuz da Bible tell, “Erybody dat dey kill an hang on top one pos fo kill um, dey get kahuna on top dem.”

1 Timoty 2:6

Jesus wen give up his life fo erybody. Az how he pay da price fo free erybody up From da bad kine stuff. Dat time, wen Jesus pay da price, Dat wen show was da right time Fo God tell erybody he goin take um outa da bad kine stuff dey stay do.

Hebrews 2:9

But get one Guy dat “fo short time, da angel guys was litto bit mo importan den him.” Dass Jesus! Cuz Jesus wen go suffa an mahke fo erybody, God “make him awesome, an show him plenny respeck, jalike God go put one crown on top his head.” Dass how God do plenny fo us guys, cuz Jesus wen suffa an mahke fo us no need get punish.

1 Peter 2:24

Christ, he da One dat wen carry all da bad kine stuff us guys wen do on top his body wen he mahke on top da cross. He wen do all dat so us guys no gotta mahke fo da bad kine stuff we wen do. Now, we ony stay live fo do da right kine stuff. Christ wen bleed an mahke fo us guys come good.

1 Peter 3:18

You know, Christ wen mahke ony one time cuz erybody stay do bad kine stuff. He erytime do da right ting, but den he wen mahke fo all da peopo dat stay do bad kine tings. He wen mahke fo you guys come nea God. Christ get one body jalike us, an peopo wen kill him, an God Spirit wen make him come alive one mo time.

1 John 2:2

Jesus, he da One dat wen mahke fo come da sacrifice fo us. Dass how he let us guys go an hemo da shame fo all da bad kine stuff we wen do. Jesus wen mahke, not fo us guys ony, but fo da bad kine stuff dat all da peopo inside da whole world do.

Jesus Show 5:9

Den dey sing one new song, dat tell: “You da One dat get da right Fo take da paypa, Broke da wax kine seal, An open um. Cuz dey wen kill you jalike one sacrifice. You wen bleed an mahke, Fo pay da price fo bring peopo back to God, From ery ohana, an language, an peopo, an country.