John 12:13 - Hawaii Pidgin Bible

¹³ Dey cut branches from da palm trees fo wave cuz dey like cheer Jesus, an dey go fo meet him. Dey yell, “Hui! God goin take us Outa da bad kine stuff we stay in! Dis da King fo da Israel peopo! God goin do plenny good kine stuff Fo him. He da guy dat come wit powa From Da One In Charge!”

John 12:13 ပူးပေါင်းရင်းမြစ်များ

Isaiah 44:6

Lissen up! Dis one spesho message from Da One In Charge! He da King fo da Israel peopo! He pay da price fo get dem outa trouble! He Da One In Charge, Da God Ova All Da Armies! Dis wat he tell: “Me, I da firs One, An I goin be da las One. No mo anodda God afta dat, ony me.

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Prieses 23:40

Day numba one, you guys goin take da bestes kine fruit from da trees, an palm branches, an odda branches wit leafs, an branches from da poplar tree. Fo seven day you guys goin show dat you stay good inside in front me, yoa God, Da One In Charge.

Zefaniah 3:15

Cuz Da One In Charge no goin punish you guys. He wen make da peopo dat stay agains you go way. Da One In Charge, da king fo us Israel peopo, he stay wit you guys! No sked dat one bad ting goin happen one mo time!

Matthew 23:39

I tell you guys, you no goin see me one mo time till you tell, ‘Dis guy come wit powa from Da One In Charge. We like God do plenny good tings fo him!’ ”

Matthew 27:42

“He wen get odda guys outa da stuff dey stay in, but he no can get outa dis! If he da King fo da Israel peopo, kay den, us like see him come down from da cross now! Den we goin trus him!

John 1:49

Den Natanael tell him, “Teacha, you God Boy fo real kine! You da King fo da Israel peopo!”

John 12:14

Jesus get one young donkey an sit down on top um, jalike da Bible tell,

John 12:15

“No sked, you peopo from Jerusalem town! Look! Yoa King stay come! He stay sit on top one young donkey.”

John 19:15

But dey make big noise an yell, “Hang um up! Hang um up! Kill da buggah on top one cross!” Pilate tell um, “Wot! You like me kill yoa king?!” Da Main Pries guys tell, “Us guys, we no mo anodda king, ony King Cesar!”

Jesus Show 15:3

Dey stay sing jalike Moses, da guy dat wen work fo God, an jalike God Bebe Sheep Guy. Dey sing: “God, you Da One In Charge! You Da God Dat Get All Da Powa. You do big an awesome stuff. You erytime do wass right an wass true. You da King fo all da diffren peopos foeva an eva!

Jesus Show 19:16

He get one sign on top his robe an on top his leg, dat tell, “Da King Ova All Da Kings, an Da One In Charge A All Da Bosses.”

Jesus Show 7:9

Afta dat, jalike one dream, I look, an dea in front me had uku plenny peopo! Had so plenny dat no can count um. Dey come from all da countries, all da ohanas, all da diffren peopos, an all da language all ova da world. Dey stay stan in front God throne, an in front da Bebe Sheep Guy. Dey wear white kine clotheses, an dey hold branches from da palm tree.