John 11:40 - Hawaii Pidgin Bible

⁴⁰ Jesus tell her, “I tell you awready dat if you trus God, you goin find out how awesome he stay, aah?”

John 11:40 ပူးပေါင်းရင်းမြစ်များ

2 Records 20:20

Early morning time dey go from Jerusalem to da Tekoa Boonies. Wen dey all ready fo go, Jehoshafat stan up an tell, “You Judah an Jerusalem guys, lissen me! Trus yoa God, Da One In Charge, an he goin make you stay solid! Trus da guys dat talk fo him, an you guys goin come out okay!”

Songs 63:2

An cuz dass how I feel, I know I goin see you ova dea Inside yoa house dat stay spesho fo you. I like see how strong An awesome you stay.

Songs 90:16

Us guys dat work fo you, We like see da tings you do, We like fo oua kids see How awesome you stay.

Outa Egypt 16:7

An tomorra, morning time, you guys goin see how awesome Da One In Charge stay. You goin see dat he lissen, no matta you guys stay grumble bout him. You guys grumble bout me an Aaron, but az no big deal. But you guys donno, you stay grumble bout God, not us!”

Matthew 17:20

He tell, “Cuz you guys neva trus God enuff, az why. An I stay tell you guys dis too: if you guys trus God ony litto bit, jalike da smalles mustard seed, you goin tell dis mountain, ‘Go move ova dea,’ an da mountain goin go. No goin get notting dat you guys no can handle.

Mark 9:23

Jesus tell “Wat you mean, ‘If can’? Jus gotta trus me, den you can do all kine stuff.”

John 1:14

Dat “God, He Talk” Guy, he come one guy dat get one body jalike us guys get. He stay wit us short time, an us see how awesome he stay. He awesome, cuz he da One an ony Boy dat come from da Faddah. He like do plenny good stuff fo us cuz dass how he stay. Eryting he tell bout God stay fo real.

John 11:4

Wen Jesus hear dat, he tell, “Lazarus no goin mahke from dis sick. Dis happen so erybody goin know how awesome God stay. I God Boy, an erybody goin find out from dis how awesome I stay too.”

John 12:41

Isaiah wen tell dat cuz he wen see how awesome Jesus stay, an he wen tell wat goin happen wit Jesus.

John 9:3

Jesus tell dem, “Not him o his faddah o his muddah do someting bad. Not cuz a dat he born blind. He wen born lidat fo erybody see da awesome stuff God do fo da guy.

Rome 6:4

Wen we get baptize, dat mean jalike dey bury us same time dey bury Christ cuz jalike us mahke too. Da Faddah, he get awesome powa. An afta Christ mahke, da Faddah make um come back alive. Az how da Faddah like fo us use his powa fo us guys live one new kine life.

2 Corint 3:18

Az how he change us fo us come mo an mo jalike one awesome copy a Jesus. An oua face no stay cova up now, fo us show how awesome Da One In Charge stay. Da Spirit from Da One In Charge help us fo do dat.

2 Corint 4:6

God wen tell, “From da dark place, I like da light fo shine,” an he make his light shine inside us guys! Wen we look at Christ face, az jalike God give us da light fo undastan how awesome God stay.