John 11:28 - Hawaii Pidgin Bible

²⁸ Afta Marta tell dat, she go back by her sistah Mary. Dey talk wea nobody can hear wat dey tell. She tell, “Da Teacha come, an he like see you.”

John 11:28 ပူးပေါင်းရင်းမြစ်များ

Zekariah 3:10

“Dat time, all a you guys goin tell da peopo dat stay nea you fo come sit down by yoa grape plant an yoa fig tree wit you.” Dis wat Da One In Charge, Da God Ova All Da Armies, tell.

Matthew 26:18

He tell, “Go by dis one guy inside town. Tell um, ‘Da Teacha tell: Time awready fo me. I like eat da Passova food wit my guys inside yoa house.’ ”

Mark 10:49

Jesus stop an tell, “Tell him fo come!” So dey call da blind guy an tell um, “Eh, be happy! Get up! He tell you fo come.”

Mark 14:14

Da guy goin go inside one house. Tell da house owna, ‘Da Teacha tell, “Wea my spesho room stay, fo me eat da Passova food wit my guys?” ’

Luke 22:11

an tell da guy dat own da house, ‘Da Teacha tell, “Wea da room me an my guys goin eat da Passova food?” ’

John 1:41

Da firs ting Andrew do, he find his braddah Simon an tell him, “Us wen find da Messiah.” (“Messiah,” dat mean “da Christ Guy, da Spesho Guy God Wen Sen,” dea language.)

John 1:45

Philip find Natanael an tell um, “We wen find da Guy dat Moses write bout in da book wit da Rules From God inside. An da guys dat talk fo God long time befo time, dey write bout him too. He Jesus from Nazaret town, Joseph boy.”

John 10:3

Da guy dat watch da gate, he open um fo da sheep guy. Da sheeps hear da sheep guy voice wen he call dem by dea name, an den he bring dem outside.

John 11:20

Den Marta find out dat Jesus stay come. She go outside da town fo meet him. But Mary stay inside da house.

John 11:29

Mary hear dat. She get up quick an go outside wea Jesus stay.

John 11:30

Jesus neva come inside da town yet, but he stay da place wea Marta meet him.

John 13:13

You guys call me ‘Teacha’ an ‘Da One In Charge.’ Dass good, cuz dass who me.

John 20:16

Jesus tell, “Eh, Mary!” She turn aroun an tell, “Rabboni!” Dass how da Jew guys tell, “Teacha!”

John 21:7

Me, I was dea too. I da guy dat Jesus get plenny love an aloha fo. I tell Peter, “Eh! Dass Da One In Charge!” Wen Simon Peter hear dat, he put on his shirt dat he take off befo he go work, an den he jump outa da boat fo swim quick to da beach,

1 Tessalonika 5:11

So den, give each odda good kine words, an help each odda come mo solid inside, jalike you guys stay do awready.

Hebrews 12:12

Eh you guys! Jalike da Bible tell, “Wen yoa hands stay drop stuff an yoa knees come weak, make um come strong!”