John 10:4 - Hawaii Pidgin Bible

⁴ Afta he bring um outside, he go in front dem, an da sheeps go wit him, cuz dey know his voice.

John 10:4 ပူးပေါင်းရင်းမြစ်များ

Love Song 2:8

Lissen up! Look! I hear! Da one dat love me stay come! He stay jump across da mountains, An stay run ova da hills, jalike one wild deer!

Love Song 5:2

I stay sleep, but inside, jalike az one dream dat I stay awake. Lissen up! Da one dat love me stay knocking! He tell, “Eh sistah! Honey Girl, open da door fo me! You jalike my dove. You perfeck! My head stay wet from da dew. My hair stay wet from da nite air.”

Matthew 16:24

Jesus tell his guys, “Whoeva like stay tight wit me, dey gotta make up dea mind dat dey no goin be da boss fo dem no moa. Goin be hard, jalike dying on top one cross. An den, dey can stay tight wit me.

John 10:16

I get odda sheeps too, dat no come from dis place. I gotta go get dem too. Dey goin lissen my voice, an dey goin come togedda, an be jalike one ohana wit one sheep guy.

John 10:27

My sheeps, dey hear my voice. I know dem. An dey stay tight wit me.

John 10:3

Da guy dat watch da gate, he open um fo da sheep guy. Da sheeps hear da sheep guy voice wen he call dem by dea name, an den he bring dem outside.

John 10:5

Dey no goin go wit one guy dat dey donno. Dey goin run away from dat guy, cuz dey donno dat guy voice.”

John 10:8

All da odda guys dat come befo me, dey jalike steala guys. But da sheeps no lissen dem guys.

John 12:26

Whoeva like be my helpa gotta go wit me an be my guy. Wea I stay, my helpa guy goin stay dea too. An my Faddah goin show respeck to dat helpa guy.”

John 13:15

I wen show you guys wat fo do, cuz jalike I wen do fo you guys, you guys suppose to do too.

John 18:37

Pilate tell him, “So, you one king den?” Jesus tell him, “You tell I one king. Az why I wen born, an az why I wen come hea inside da world—fo me tell eryting dat I know bout da true stuff. Erybody dat stick wit da trut, dey lissen me.”

John 3:29

“Da groom, he da guy dat get da bride. Da bes man, he stay standing dea, an he stay real good inside wen he hear da groom stay talking. I jalike da bes man, an Jesus, jalike da groom. Dass why I stay real good inside.

1 Corint 11:1

An you guys, go copy me, jalike how I stay do. Cuz I stay try fo copy Christ, jalike he wen do.

Efesus 5:1

So den, make jalike God, wateva you guys do. Cuz you guys his kids, an he get plenny love an aloha fo you guys.

Rules Secon Time 1:30

Oua God Da One In Charge, he da One goin go in front you guys. He da One goin fight fo you guys, jalike he wen fight fo you guys inside Egypt. You guys wen see dat awready.

Hebrews 12:2

Da whole time us guys stay run da race, we look at one guy ony, dass Jesus. He da One dat help us start fo trus God, an da One dat help us fo trus God to da end. Wen he wen suffa on top da cross, he hang in dea. Neva bodda him dat dey make him come shame. He do dat cuz he know dat bumbye he goin come real good inside. An in da end, he sit down in da mos importan place, by God throne, on da right side.

Hebrews 6:20

Dass da place wea God stay fo real kine, an Jesus wen go dea befo time fo us guys. Dass jalike da Main Pries Guy go inside da Real, Real Spesho Place inside God Temple. Jesus wen do dat fo us cuz he da Main Pries Guy foeva. He da same kine Main Pries Guy jalike Melkizedek befo time.

1 Peter 2:21

Az why Christ wen pick you guys fo do wass good no matta you gotta fo dat. He wen suffa fo you guys. So make jalike him how he suffa.

1 Peter 4:1

Cuz Christ get one body jalike us, he wen suffa plenny in his body. An you guys, get ready fo suffa too jalike Christ. Whoeva suffa lidat, dey no goin do bad kine stuff no moa.

1 Peter 5:3

No try make jalike one big boss ova da peopo God wen give you, but show dem how fo live.