John 10:2 - Hawaii Pidgin Bible

² But da guy dat go inside by da gate, dass da guy dat take kea da sheeps.

John 10:2 ပူးပေါင်းရင်းမြစ်များ

Songs 23:1

Da One In Charge, he take kea me, Jalike da sheep guy Take kea his sheeps. Az why I get eryting I need.

Songs 80:1

You da one dat take kea Us Israel ohana guys Jalike one sheep guy Take kea his sheeps. You da one dat show Da Joseph ohana guys wea fo go, Jalike one sheep guy Show his sheeps wea fo go. So, lissen wat I tell! From da place you stay, Ova da Box Fo No Foget Da Deal, Wea da awesome angel watcha guys Stay on top— Show how strong you!

Teacha 12:11

Wat da guys tell dat know wat fo do erytime, az jalike da sharp poles fo poke da cows fo make um go da right way. Eryting dey tell, az jalike da kine nails dat stay solid wea dea owna poun um. Eryting dey tell come from God, da one good sheep guy.

Isaiah 40:11

He take kea his peopo, Jalike one sheep guy take kea his sheeps. He carry da bebe sheep in his arm, An carry dem on top his ches, An show da way to da muddah sheeps Fo dem res.

Isaiah 63:11

“Den his peopo tink how was Long time befo time, wit Moses an his peopo. Dey tink, ‘Wea da One Wen take da Israel peopo thru da Red Sea, Da time Moses an his ohana Stay jalike sheep guys Dat take kea da peopo ova dea?! Wea da One dat wen put his Good An Spesho Spirit Right dea wit all da peopo?!

Ezekiel 34:23

I goin give one guy da kuleana fo be ova dem an take kea dem. Az goin be David, da guy dat work fo me. He goin come jalike da sheep guy ova dem.

Micah 5:5

He goin be da one make eryting come okay. Bumbye, wen da Assyria guys Goin come inside oua land fo fight, An come ova oua strong wall. Den us guys goin put up seven o eight leada guys Fo take kea us an stay in charge, Jalike da sheep guys take kea dea sheeps.

Zekariah 11:3

Lissen, da sheep guys stay cry loud, Cuz dea green fields stay wipe out. Lissen da big noise da young lions make, Cuz da thick jungle by da Jordan Riva stay all jam up!

Zekariah 11:5

Wen guys buy sheeps, you know, dey goin kill um, an dey no tink dey do someting bad. Da guys dat sell da sheeps tell, ‘Talk good bout Da One In Charge! Cuz now I stay rich!’ Even da guys dat take kea da sheeps, dey no show pity fo da sheeps.”

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.

Zekariah 13:7

Dis wat Da One In Charge, da God Ova All Da Armies, tell: “Grab my sword! Go stab my sheep guy, Da guy dat work wit me! Wack da sheep guy, an da sheeps goin scatta. I even goin go agains da young sheeps.”

Matthew 15:11

Wat you guys put inside yoa mout no make you pilau inside so you no can pray, but wat come outa yoa mout, dass wat make you come pilau inside.”

John 10:14

“I jalike one good sheep guy. I know my sheeps, an dey know me,

John 10:7

Den Jesus tell um one mo time, “You guys undastan dat? Kay den, I like tell you guys dis too: I jalike da gate fo da sheeps.

John 10:9

I jalike da gate. If anybody trus me, God goin take um outa da bad kine stuff dey stay in, an let um go. Dass jalike dey goin go inside God place thru da gate, az me. An dey goin go wea eva dey like go an find food fo eat.

Jesus Guys 20:28

Make shua you leada guys live da way God like you fo live. An take kea all da peopo dat da Good An Spesho Spirit give you guys fo take kea. You guys gotta take kea da church guys jalike one sheep guy take kea his sheeps. Cuz Da One In Charge, Jesus, wen bleed an mahke fo make dem come God kids.

1 Timoty 4:14

No foget fo use da powa God wen give you, dat time da older leadas in da church wen tell wat God like do wit you, an put dea hands on top you fo show you one leada too.

Titus 1:5

You rememba da time I wen go way from you. I wen tell you, “Eh Titus! stay right hea, Crete Islan. An da stuff dat still not right, make shua come out right. Go ery town, an pick some older guys fo come da leadas fo da church peopo ova dea, jalike I wen tell you fo do befo time.”

Hebrews 13:20

God, he da One dat make um so notting bodda us guys. An he da One dat wen bring back from mahke Da One In Charge a us guys, Jesus. Jesus wen bleed an mahke fo us guys, an dass how God wen make one New Deal fo us dat stay foeva. Jesus, he jalike da main sheep guy dat take kea his sheeps.

1 Peter 2:25

You guys was jalike da sheeps dat stay lost, but now you guys come back to God. He make shua he take kea a you guys good kine, jalike da sheep guy take kea his sheeps. An he da main leada guy fo make shua you guys no come pilau inside.

1 Peter 5:4

Wen Jesus, da Main Sheep Guy, come back, den God goin give you guys one awesome haku lei cuz you do one good job. An yoa haku lei no goin come poho, foeva.

Jesus Show 1:20

Da seven stars you see inside my right hand, an da seven gold stans fo put da lamps on top, dass one secret dat I goin tell you now. Da seven stars, dey da seven messenja guys fo da seven churches. An da seven gold stans fo put da lamps on top, dey da peopo inside da seven churches.”