Joel 3:13 - Hawaii Pidgin Bible

¹³ Swing da sickle cuz da food stay ready fo harves. Go come an step da grapes fo press out da juice, Cuz da place stay full a grapes, An da wine barrels stay full. Dey stay full wit all da bad kine stuff da peopos stay do.”

Joel 3:13 ပူးပေါင်းရင်းမြစ်များ

Start 13:13

But da Sodom peopo, dey bad peopo. Dey erytime do bad kine stuff dat Da One In Charge tell dey betta not do.

Start 15:16

Goin be four hundred year befo da peopo dat come from you goin come back ova hea dis land. I no goin kick da Amor peopo out hea in one short time. I goin wait till dey do mo plenny bad stuff dat I need punish. Den I goin kick um out. So now, you know wass goin happen!”

Start 18:20

Den Da One In Charge tell Abraham, “Abraham! Ova an ova, get peopo tell me fo help dem, cuz da Sodom an Gomorrah peopo real bad. Da bad kine stuff dey stay do, real horraz!

Isaiah 17:5

Goin be jalike Refaim Valley Right afta da guys harves da wheat ova dea. Dey harves da wheat, An take away plenny inside dea arm. Den da Israel ohana goin be Jalike wen some odda guy come layta, Cut wateva da firs guys neva take wit dem, An dey pick up ony litto bit.

Isaiah 63:3

“He tell: ‘I no smash grapes. I smash da diffren peopos! No mo nobody from dose peopos help me. Ony me! I smash dem cuz I stay huhu wit dem. I real plenny huhu Dat I walk all ova dea bodies. Dea blood shoot out all ova on top my clotheses Jalike juice from da grape, an stain eryting.

Jeremiah 51:33

Dis one message from Da One In Charge, da God Ova All Da Armies, da God fo da Israel peopo. He tell: “Babylon town an da peopo dat live dea Goin come jalike one flat place Wea peopo clean da groun Fo take da junk kine stuffs outa da wheat. Wen da flat place all clean up, Den da harves time almos ready fo come.”

Sad Song 1:15

“Da Boss laugh at all da strong leadas aroun me. He call one army fo fight me, Fo smash my young guys. Da Boss walk all ova da Judah peopo, Jalike he step da grapes fo make wine.

Hosea 6:11

“An fo you Judah peopo too, I wen pick one day awready fo punish you guys. Az goin be jalike wen da harves time come An you gotta pay fo da bad kine tings you stay do! Dass da time I wen like bring back my peopo From wea dey was prisonas,

Matthew 13:39

Da guy dat stay agains da farma an plant da bad seed, dass da Devil. Wen da plants stay ready, dass da time wen da world goin come pau. Da worka guys, dey da angel guys from da sky.

Mark 4:29

Wen da wheat come ripe, da farma harves um wit da sickle, cuz dey stay ready.”

Rules Secon Time 16:9

Ery year, seven week afta you guys start fo harves da barley,

Jesus Show 14:14

Den I look, an jalike one dream, in front me had one white cloud. Had one guy stay sit on top da cloud dat look jalike us. He da Guy Dass fo Real. He get one gold kine crown on top his head, an one sharp sickle in his hand.

Jesus Show 19:15

One sharp kine sword come out from his mout, an he win da war agains all da diffren peopos from all ova da world wit da sword. He goin be King ova dem, an lead dem wit one iron club. Da Guy on top da white horse goin walk all ova da grapes dat make da wine. An dat show dat Da God Dat Get All Da Powa stay huhu, an had it wit da bad kine stuff da peopo stay do.