Joel 2:24 - Hawaii Pidgin Bible

²⁴ Da open places wea dey split da wheat an barley from da junk kine stuff Goin get plenny wheat an barley. Da places wea dey store da wine an oil Goin get plenny new wine an olive oil.

Joel 2:24 ပူးပေါင်းရင်းမြစ်များ

Ezekiel 36:8

But you Israel mountains, you goin grow branches an fruits fo my Israel peopo cuz dey goin come back pretty soon.

Joel 3:13

Swing da sickle cuz da food stay ready fo harves. Go come an step da grapes fo press out da juice, Cuz da place stay full a grapes, An da wine barrels stay full. Dey stay full wit all da bad kine stuff da peopos stay do.”

Joel 3:18

“Dat time, goin be jalike da mountains stay drip wit new wine. An jalike milk goin run down da hills jalike rivas. All da gulches inside Judah goin get plenny watta. One watta spring goin come outa da Temple Fo Da One In Charge, An goin give watta inside da gulch wea get koa trees.

Prieses 25:19

Den da land goin give plenny food, an you guys goin get plenny fo eat, an live good ova dea, an no need worry notting.

Prieses 26:10

You guys wen grow real plenny foods da year befo, an yet you still stay eat dat food wen you guys gotta move um out fo make room fo da new food you goin harves.

Amos 9:13

An you know wat? Da One In Charge tell dis too: “Goin come da time, Wen dey plant stuff goin grow real fas. Da firs part goin be ready fo harves Befo dey even ready fo plant da odda part! Even wen time awready fo make ready da grape seeds Fo plant da nex time Dey still goin make lidat fo step all da grapes dey get Fo make wine, from da las time! Goin get real plenny juice from da fresh grapes Goin run down da hills An make da hills look jalike dey stay melt all ova da place!

Malakai 3:10

“Go bring all da ten percent you owe me Inside da temple storage place. Den goin get food inside my house. So, try see if I fo real bout all dat! See if I no goin open da windows inside da sky An pour down fo you guys plenny good tings, Too plenny fo you guys handle! Me Da One In Charge, Da God Ova All Da Armies, an dass wat I tell.