Joel 2:20 - Hawaii Pidgin Bible

²⁰ “Da army guys dat like come agains you guys from da north side, I goin push dem far away from you guys. I goin make dem go inside one dry land wea eryting stay all bus up. Da ones in front goin go inside da Big Salt Lake, An da ones in da back goin go inside da Mediterranean Sea. Dey goin mahke an come haunas.” Fo shua, Da One In Charge do awesome tings!

Joel 2:20 ပူးပေါင်းရင်းမြစ်များ

2 Kings 8:13

Hazael tell, “Eh boss! Me, I nobody spesho, you know! How come I can do big kine stuff lidat?!” Den Elisha tell him, “Da One In Charge wen show me dat you goin come da Aram king.”

Songs 126:3

Az fo shua, Da One In Charge Stay do plenny good tings fo us. Az how come us guys Stay real good inside!

Outa Egypt 10:19

An Da One In Charge change da wind to da west side an make um blow real strong. Da wind pick up all da locust an blow um inside da Red Sea. No mo even one locust kine grasshoppa bug lef inside da Egypt land.

Outa Egypt 8:14

All ova da place da peopo make plenny pile frog. Da whole land come haunas.

Isaiah 34:3

Da peopo goin throw da guys dey kill outside da town, Cuz dea mahke bodies goin be haunas. Da mountains goin get blood soak inside da groun.

Ezekiel 47:18

Da east borda goin go in da middo wit Hauran one side an Damascus da odda side. Dat borda goin go by da Jordan Riva wit da Gilead land one side an da Israel land da odda side, to da Big Salt Lake dat stay da east side, all da way to Tamar on da south side. Az goin be da east borda.

Amos 4:10

Da One In Charge tell: “Was me wen sen da sick fo make trouble fo you guys, Same ting jalike befo time I wen make da Egypt peopo come sick. War time, was me wen kill yoa young guys An let da odda peopos catch you guys horses. Real sad! Haunas, da mahke army guys bodies inside yoa camp! Still yet, you guys no like come back an be my guys!” Dass wat Da One In Charge tell.

Zekariah 14:8

Dat time, fresh watta goin come out from Jerusalem. Da watta goin go half da Big Salt Lake on da east side, an half goin go da Mediterranean Sea on da west side, no matta summa time o winta time.

Malakai 3:11

I goin chase away da bugs so dey no eat wat you guys plant. Dey no goin wipe out da tings dat grow outa da groun. Da grapes no goin fall down from da grape plants befo dey ready. Me Da One In Charge, Da God Ova All Da Armies, an dass wat I tell.

Rules Secon Time 11:24

Ery place wea you guys put down yoa feets goin be yoa property. Yoa land goin go from da boonies south side to Lebanon north side, an from da Eufrates Riva east side to da Mediterranean Sea west side.