Joel 1:14 - Hawaii Pidgin Bible

¹⁴ Tell da peopo fo no eat, So dey can pray spesho kine to Da One In Charge. Call dem fo come togedda Spesho kine fo Da One In Charge. Call da older leadas An erybody dat live inside da land. Call dem fo come togedda to da Temple Fo Yoa God Da One In Charge, Fo dem yell to Da One In Charge fo help.

Joel 1:14 ပူးပေါင်းရင်းမြစ်များ

2 Kings 10:20

Jehu tell, “Make one spesho religious day fo show respeck fo Baal. Tell all da peopo fo come.” So da guys dat do stuff fo Baal, dey tell da peopo dis.

2 Records 20:13

All da guys inside Judah, wit dea bebes an wifes an odda kids, dey stay stan dea in front Da One In Charge.

Nehemiah 8:18

Ery day, from Day Numba One to Day Numba Seven, Ezra read to dem someting from da book dat get da Rules from God. Den, Octoba 15, dey all come togedda an make one mo spesho religious kine ceremony jalike God wen tell um fo do.

Esther 4:16

“Go bring togedda all da Jew guys you can find inside Susa town. No eat food so you can pray fo me. No eat an no drink fo three day, day time o nite time. Me an da wahines dat work fo me, we goin do da same ting, no eat an no drink notting fo three days too, fo us pray. Afta we do dat, I goin go in front da king, no matta I stay broke da rules. An if I mahke, I mahke.”

Jeremiah 14:2

“Da Judah peopo stay sad inside. Da big towns no mo biznis. Da peopo sit on top da groun An cry bout da land, jalike get one funeral. All da Jerusalem peopo stay yell fo help.

Jeremiah 36:9

Was da year numba five, month numba nine, wen Jehoiakim, Josiah boy, stay king fo da Judah peopo. Had one time fo no eat so da peopo can pray in front Da One In Charge an beg him fo help dem. Dey make dat time fo all da Jerusalem peopo, an da peopo dat come inside Jerusalem from da Judah towns.

Joel 1:2

Lissen dis, you older peopo! Lissen good, erybody dat live inside oua land! No mo notting lidis eva happen befo time wen you guys stay alive, aah? O wen yoa ancesta guys stay alive.

Prieses 23:36

Fo seven days you guys gotta make sacrifices wit fire fo me, Da One In Charge. Day numba eight, az spesho fo me too. Erybody gotta come togedda one mo time, an make one sacrifice wit fire fo me, Da One In Charge. Az da las time fo come togedda an stay spesho fo me, an no do work.

Jonah 3:5

Da Nineveh peopo, dey lissen wat God tell. Dey tell erybody, “Bummahs! All us guys betta not eat, mo betta we go pray!” Da importan peopo an da regula kine peopo, stay put on burmbag kine clotheses fo show dey stay sorry inside.

Jonah 3:8

Erybody gotta put on burmbag kine clotheses, all da peopo an da animals, fo show dey stay sorry inside. Erybody gotta go all out fo yell to God fo help! Erybody gotta no do bad kine tings! Erybody gotta no hurt odda peopo no moa!

Zefaniah 2:1

You Judah guys dat no shame, Bring da whole nation togedda!