Job 9:5 - Hawaii Pidgin Bible

⁵ He can move da mountains, Befo dey know wass happening. He can huli dem wen he stay huhu.

Job 9:5 ပူးပေါင်းရင်းမြစ်များ

Job 26:6

God see eryting dat stay inside da Mahke Peopo Place. Da Deep Dark Hole no mo cova fo him.

Job 28:9

Peopo bus ass fo go afta da mos hard rocks. Dey dig inside da bottom a da mountains.

Job 34:25

Az cuz God know eryting dey wen do. So he throw um out nite time An dey all come smash up.

Job 40:11

Show wat kine powa you get wen you come huhu! Look at all da big head guys an make um come shame!

Job 41:11

Who can tell dat me, Da One In Charge, owe dem someting an I gotta pay? Cuz eryting unda da sky, az mines!

Songs 114:6

Eh! You mountains, How come you so sked, You wen jump jalike da sheeps?! Eh! You hills, How come you so sked, You wen move fas Jalike da bebe sheeps?!

Songs 46:2

Dass how come us guys no stay sked, No matta get earthquake An da mountains fall down An broke into small pieces An fall down inside da ocean.

Songs 68:8

Da groun wen shake an wen rain Cuz you was dea, Da God dat stay on top Mount Sinai, Da God dat da Israel peopo pray to.

Isaiah 40:12

“Da One In Charge, he da One Put all da ocean watta inside his hand Fo tell how plenny get. Wit his open hand he check out da sky Fo tell how wide dat. He put all da dirt inside da world inside one box Fo tell how plenny get. He put all da mountains an hills on top da scale Fo tell how heavy dem.

Nahum 1:5

Da mountains shake cuz a him, Jalike da hills melt. Da groun shake in front him. Erybody dat live on top da earth, dey shake too.

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Habakkuk 3:10

Wen da mountains see you do dat, dey shake. Da rain storm make big watta go thru da gulches. Da deep ocean make big noise, An make da waves go real high.

Habakkuk 3:6

Wen he stop, da earth shake. Wen he look da peopos, dey come sked an shaking. Da mountains dat stay from befo time come broke up. Da ol hills fall down. He do wat he do foeva.

Zekariah 4:7

Yoa problems jalike dis big strong mountain. But da mountain goin come flat land in front Zerubbabel. Den he goin put da las stone block fo da temple wea suppose to stay, an da peopo goin yell, ‘Az beautiful! Az beautiful!’ ”

Matthew 21:21

Jesus tell um, “Az right! An I tell you guys dis too: If you guys trus God an tink you no stay shua, you goin do da kine tings you wen see me do to dis fig tree. You goin even tell dis mountain ova hea, ‘Eh, get up! Go jump inside da ocean,’ an goin be lidat.

Matthew 27:51

Right den an dea da big curtain inside da temple broke in two from da top to da bottom. An da groun shake, an da rocks split,

Luke 21:11

Da groun goin shake. No goin get food, an all ova da place da peopo no goin get notting fo eat. Plenny peopo goin get real sick an mahke. Real bad an awesome stuff goin come dat goin make plenny peopo come real sked. Unreal stuff from da sky goin come.

1 Corint 13:2

An if I was one guy dat talk fo God, an I wen know all kine secret stuffs an all da kine stuffs dat da smart guys know, an if I wen go all out fo trus God fo make da mountains move, but I no mo love an aloha, den wat? Az poho all dat!

Jesus Show 11:13

Right den an dea da earth start fo shake real hard. An ten percent a da Big Town come wipe out, an seven tousan peopo mahke. Da res a da peopo was real sked, an dey tell dat God dat stay inside da sky, he awesome.

Jesus Show 6:14

Da sky move away, jalike wen you roll up one paypa! All da mountains an all da islans move to diffren place.