Job 9:4 - Hawaii Pidgin Bible

⁴ God know wat fo do erytime, mo den erybody. He get mo powa den anybody. Nobody can go agains him an come out okay!

Job 9:4 ပူးပေါင်းရင်းမြစ်များ

2 Records 13:12

So den, God stay wit us guys. He oua leada. His pries guys wit dea metal trumpets goin make da signal fo start fo fight you guys. Eh, you Israel guys, no go fight Da One In Charge, da God fo yoa ancesta guys, cuz no way you guys goin win!”

2 Records 20:6

He tell: “You Da One In Charge, you da God fo oua ancesta guys. Fo shua you da God dat tell us wat fo do from inside da sky. You da One in charge a da kings ova all da peopos. You strong an get plenny powa fo fight. No mo nobody can stan up agains you.

Job 11:6

I like fo God tell you tings you donno still yet Bout how fo know wat fo do erytime. If you wen know dat fo real kine, den you goin undastan Dat get mo den one way fo tink bout stuff. But you donno yet! You goin know dat God wen even foget Some a da bad tings you wen do.

Job 12:13

“Da One In Charge, he da One know wat fo do erytime. He get plenny powa. He da One tell peopo wass da bestes ting fo dem do. He undastan plenny stuff.

Job 15:13

How come you talk jalike you stay huhu wit God?! How come you let dat kine talk come outa yoa mout?!

Job 23:6

You tink he goin use his powa fo make argue wit me? Fo shua, he goin lissen me!

Job 24:22

I like God use his powa fo drag away da strong guys. So dat no matta dey stan strong, Dey not shua if dey goin stay alive, o dey goin mahke.

Job 25:2

“God da one dat in charge, So mo betta stay plenny sked a him. He make eryting stay pono, Inside da mos high place in da sky.

Job 28:23

God undastan wea fo go fo find um. He da ony one dat know wea can learn Wat fo do erytime.

Job 36:5

“Eh! God get powa, but he no tink dat peopo no good. He get powa, an he stay shua wat he plan fo do.

Job 37:23

Da God Dat Get All Da Powa, us no can reach him. He real strong, an he judge da right way erytime. But he no put heavy presha on us guys.

Job 38:36

Who make somebody come fo dem know inside wat fo do erytime? Who make dea head undastan stuff?

Job 38:37

Who smart enuff fo count da clouds? Who can spill da watta jars dat get inside da sky fo make rain?

Job 40:9

You tink you strong jalike me, God, o wat? You tink you can talk strong jalike me an make thunda?

Job 41:2

You tink you can put one rope aroun his jaw? O make one puka in his jaw wit one big hook?

Job 6:10

An if I know he goin kill me, Den I can still res easy, No matta I stay suffa plenny an no come mo betta. Cuz I neva hide from nobody Da tings I tell bout da One Dat Stay Good An Spesho.

Job 9:19

If us talk bout who mo strong, God da One stay real strong, not me! If us talk bout fo go in front one judge, who goin tell him he gotta come?!

Songs 104:24

Eh! You Da One In Charge! Get choke plenny tings you wen make! An eryting you make, You know wat you stay do! Da world stay full A da tings you wen make.

Songs 136:5

Cuz he erytime undastan wat fo do, Dass how he wen make da sky, Cuz he stay tight wit his peopo foeva!

Outa Egypt 15:7

You so big, you wipe out erybody dat go agains you. Wen you come huhu, you burn um up, Jalike peopo burn up da junks dat stay Afta dey harves da wheat.

Outa Egypt 9:7

Da Pharaoh guy, he sen his peopo fo check out wat wen happen. He find out dat da animal da Israel peopo get, not even one wen mahke. Stay bodda da Pharaoh guy plenny. Still yet da Pharaoh guy stay hard head. He still no like let da peopo go way.

Smart Guys 28:14

Da peopo dat no do notting bad Cuz dey erytime come real sked wat goin happen, Dey can stay good inside. But da ones dat no kea cuz dey hard head, Dey goin fall down real hard, An bad tings goin happen to dem.

Smart Guys 29:1

Da kine guy dat make deaf ear Cuz peopo tell um ova an ova He do wrong an he betta stop, Fo real Da One In Charge goin bring down dat guy one time. Cuz no way da guy can come good bumbye.

Isaiah 45:9

“Bummahs! fo anybody dat make argue Wit da One dat wen make dem! Dey notting. Dey jalike one piece from one broke pot, An anodda piece from broke pots Dat get all ova da groun. You tink da clay aks da guy dat make pots, ‘Wat you stay making, aah?! Da stuff you make Look jalike you no mo hands!’

Jeremiah 50:24

You Babylon peopo, you wen go fight me, Da One In Charge! Az how come I wen make one trap. An da trap wen catch you guys, An you neva know, had one trap!

Daniel 2:20

Daniel tell, “I goin talk good bout God all da time! He know wat fo do erytime, An he get powa!

Nahum 1:3

Da One In Charge no get huhu real fas. He get plenny powa. He erytime punish da peopo dat get da blame. He show his powa inside da tornado an da storm. Da clouds, jalike da dus his feets kick up.

Rome 11:33

Ho, God! He unreals smart! God, he know how fo use all his smarts! An he know eryting! No mo nobody undastan how he make up his mind! No mo nobody can figga out how come God do wat he do! Jalike da Bible tell befo time:

1 Corint 10:22

Wat you guys tink? Us goin make Da One In Charge come huhu wit us, o wat? No good we make lidat. O, you tink us guys mo strong den him?

Efesus 1:19

An I like dem know how strong you stay fo help us guys dat stay trus you cuz you get da powa fo make watevas happen!”

Efesus 1:8

God erytime go all out fo us guys. He know how eryting stay, an he know da right tings fo do.

Efesus 3:10

But now, God like use his church peopo fo show all da leada guys an all da guys wit powa dat stay inside da sky, dat God know wat fo do bout eryting fo real kine.

Efesus 3:20

God, he get plenny powa! Wateva we go aks him fo do, o wateva we figga he can do, he can do mo plenny den dat! Dass da kine powa he get fo change us guys inside.