Job 9:2 - Hawaii Pidgin Bible

² “Fo shua, I know az true, wat you tell. But in front God, how one guy goin show proof dat he do da right ting, aah?!

Job 9:2 ပူးပေါင်းရင်းမြစ်များ

1 Kings 8:46

“Bumbye, dis peopo Goin go do bad kine stuff An go agains you. Cuz no mo nobody Dat no do bad kine stuff! Den you goin come huhu wit dem, An let da peopo dat stay agains dem Take da peopo An make dem prisonas An take um away to dea land, O maybe nea yoa land, o maybe far away.

Ezra 9:15

You Da One In Charge. You da God fo da Israel peopo. You do wass right erytime. Some a us guys come back hea now, afta we get outa trouble Babylon side. Us guys wen jam up real plenny ova hea. We no can even stan in front you cuz a da shame we get fo wat we wen do!”

Job 25:4

So! How can one guy get um right wit him, aah?! Erybody dat wen born, how dey goin stay clean inside?!

Job 25:5

Even da moon look jalike no shine, in front God. An da stars not clean da way he see um.

Job 32:2

But get anodda guy Elihu, dat come real huhu wit Job, cuz Job stay tell dat he do wass right, an he no tell dat God do wass right. (Elihu, he Barakel boy from da Buz blood line dat come from da Ram ohana.)

Job 33:9

‘Me, I stay clean an no do notting bad. I no mo da blame fo notting.

Job 34:5

Cuz Job tell, ‘No matta I neva do notting wrong, Still yet, God take away my rights!

Job 4:17

‘You tink get anybody can do wass right, da way God see um, o wat? You tink one guy can be clean inside, in front da God dat wen make him, o wat?

Job 9:1

Den Job tell Bildad:

Songs 130:3

Da One In Charge, I know You no make one lis A all da bad tings da peopo do, Cuz if you make one lis lidat, Fo shua no mo nobody Goin stay alive!

Songs 143:2

No come hea jus fo judge me, Yoa worka guy. Cuz wen erybody stan in front you, Fo shua no mo nobody dat stay alive Can come right wit you.

Rome 3:20

Dass why no mo nobody dat can tell dat dey get um right wit God, jus cuz dey wen do eryting da Rules From God tell um fo do. Da Rules From God ony show dat us guys wen do bad kine stuff.