Job 8:9 - Hawaii Pidgin Bible

⁹ Cuz us guys wen born ony yestaday. Us donno notting. Oua time on dis earth pau quick, jalike one shadow.

Job 8:9 ပူးပေါင်းရင်းမြစ်များ

Start 47:9

Jacob tell Pharaoh, “Hundred thirty year I stay inside dis world. Not plenny, da years I get, an dey hard. But my ancesta guys, dey wen get plenny mo year den me, wen dey stay hea inside dis world.”

1 Records 29:15

Da way you see us guys, us ony stay hea short time, jalike we come from anodda place, jalike we ony visit—jalike all oua ancesta guys wen do. Us guys live hea in da world ony short time, jalike one shadow, an us donno wat we stay wait fo.

2 Records 10:6

Den King Rehoboam talk wit da older leada guys dat wen get kuleana fo help his faddah Solomon wen he stay alive, bout wass good fo him do. He aks dem, “Wat you guys tink az good fo me tell dese peopo?”

Job 14:1

“Us peopo, us all born from oua muddahs. Us live ony short time An get mo plenny trouble inside den us can handle.

Job 14:2

Us grow jalike one flowa, an den quick, us come all dry up. Us jalike one shadow dat disappea right den an dea, An no stay.

Job 32:7

I wen tink, ‘Da ol guys, Dey da ones suppose to talk. Da ol guys suppose to teach peopo Fo know wat fo do erytime.’

Job 7:6

“My days go mo fas den da stick da weava guys use. My time pau, an no mo notting fo me wait fo.

Job 8:10

Fo shua, yoa ancesta guys goin teach you an tell you. Dey goin give you words bout da tings dey undastan.

Songs 102:11

Real fas now, da time I stay alive Almos pau! I goin be jalike da shadows evening time. I stay come all dry up, jalike dry grass.

Songs 102:12

But you, Da One In Charge, You goin stay king foeva. All da peopo dat goin come bumbye, Dey goin know bout you.

Songs 144:4

Us peopo ony stay hea short time, Jalike one breat us guys breave, O jalike us one shadow Dat pass by fas.

Songs 39:5

Fo shua, you give me Ony litto bit mo time. Da time from wen I born till I mahke, Jalike notting da way you see um. But erybody dat stay live, Dey ony goin breave short time. (Time out fo da music.)

Songs 82:5

“Dem odda ‘gods,’ da ones in charge, Dey donno notting! Dey no undastan notting! Any place dey go, bad tings happen Jalike inside one dark place! Eryting dat make da world solid Stay shaking cuz a dem!”

Songs 90:4

Da way you see um, tousan year pass Jalike was yestaday, Jalike couple hours nite time.