Job 8:8 - Hawaii Pidgin Bible

⁸ “Try aks da peopo dat wen live befo time. Make shua you know wat dea faddahs wen learn.

Job 8:8 ပူးပေါင်းရင်းမြစ်များ

2 Records 10:6

Den King Rehoboam talk wit da older leada guys dat wen get kuleana fo help his faddah Solomon wen he stay alive, bout wass good fo him do. He aks dem, “Wat you guys tink az good fo me tell dese peopo?”

Job 12:12

Da ol peopo know wat fo do erytime. Cuz dey stay live long time, Dey can tell you wass good fo you do, An dey undastan plenny stuff.

Job 13:1

“You know, all dis stuff you guys tell, I see um awready. I hear all dis stuff awready, an I undastan um.

Job 15:10

Da gray hair guys an da real ol guys, dey tink jalike us guys, An dose guys stay even mo ol den yoa faddah.

Job 15:18

Da guys dat know wat fo do erytime, tell dis. Dey no hide notting dat dea ancesta guys wen teach dem.

Job 20:4

“Fo shua you know how was from long time befo time, From da time God put da peopo on top da earth till now.

Songs 44:1

Eh God! Us guys wen hear da stories Dat oua ancesta guys wen tell Bout all da tings you wen do befo time. Dass was long time befo time Wen dey stay alive.

Isaiah 38:19

Da peopo dat stay alive, Dey da ones tell dey know how awesome you, Jalike I stay do today. Da faddahs make shua dea kids know How you do wat you tell you goin do.

Joel 1:2

Lissen dis, you older peopo! Lissen good, erybody dat live inside oua land! No mo notting lidis eva happen befo time wen you guys stay alive, aah? O wen yoa ancesta guys stay alive.

Rome 15:4

Eryting dat peopo wen write inside da Bible befo time, all dat stay inside da Bible fo teach us guys fo come mo strong fo hang in dea. Dass da good kine words we get from da Bible. Fo shua we goin know dat bumbye God goin do plenny good tings fo us.

1 Corint 10:11

All dat stuff wen happen to da Israel peopo fo show us guys someting, you know. Dey wen write um all down fo us guys learn wat kine stuff us betta not do, cuz da end a da world time stay coming!

Rules Secon Time 32:7

Tink bout da time long time befo time. Tink bout all yoa ancesta guys dat wen stay alive befo time. Go aks yoa faddah fo tell you wat wen happen. Go aks da older peopo fo tell you too.

Rules Secon Time 4:32

“Go aks now bout wat wen happen long time befo time wen eryting wen start, da time God wen make peopo on top da earth. Go aks from one side a da sky to da odda side. No mo notting dat awesome eva happen befo! No mo notting dat awesome eva happen dat anybody wen hear bout!