Job 8:6 - Hawaii Pidgin Bible

⁶ Maybe you come clean inside an do da right kine stuff. Even now he goin start fo do tings fo help you. He goin give you back wat you wen get befo time, Cuz you stay do da right ting.

Job 8:6 ပူးပေါင်းရင်းမြစ်များ

Job 1:8

Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff.”

Job 11:14

If you go an do someting wrong, no do um no moa! An no let nobody stay inside yoa tents Dat no do wat stay right.

Job 16:17

But I neva bus up nobody. An wen I pray, I stay clean inside.

Job 34:28

Da bad guys make da peopo dat no mo notting yell loud fo God help um. Wen da pooa peopo yell fo help, God lissen!

Job 5:24

You goin know dat eryting stay good wea you live. You goin check out all yoa sheep fences, An dey all goin stay dea.

Songs 18:25

Eh God! Fo da peopo dat stay tight wit you, You show um dat you stay tight wit dem too. Fo da peopo dat stay do da right ting, You show um dat you stay do da right ting fo dem.

Songs 44:23

Eh! You da boss fo me! Wake up! How come you stay sleeping?! Wake up! No bag From us guys all da time!

Songs 7:6

Eh! You Da One In Charge! Do someting! Get mad an stan up fo fight! Da guys dat stay agains me, Dey all huhu, so go afta dem! Do someting fo help me, You da judge dat tell wass right!

Smart Guys 15:8

Wen da bad kine peopo Make sacrifice fo God, God tink, dat kine sacrifice stay pilau. Wen da good kine peopo pray, Dass wat God like.

Smart Guys 3:33

Da peopo dat stay do bad tings, Da One In Charge promise fo punish all dea ohana, But da peopo dat stay do wass right, He make eryting come good wea dey stay.

Isaiah 1:15

Wen you guys put up yoa hands fo pray to me I goin look da odda way. No matta you pray long time, I no goin lissen. Yoa hands stay dirty all ova From da blood a da peopo you wen kill.

Isaiah 3:10

Tell da guys dat do da right kine stuff, Dat eryting goin come out good fo dem. Cuz dey goin get wat dey work fo, Wit da good kine stuff dey make.

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

1 Timoty 2:8

I like da peopo all ova da place fo pray. Wen dey pray, dey gotta be good an spesho fo God, an no make argue o stay mad at da odda guy. Den az okay fo dem put dea hands in da air fo pray.