Job 7:6 - Hawaii Pidgin Bible

⁶ “My days go mo fas den da stick da weava guys use. My time pau, an no mo notting fo me wait fo.

Job 7:6 ပူးပေါင်းရင်းမြစ်များ

Job 13:15

Maybe God goin kill me! Maybe I no mo notting fo wait fo! Still yet, I goin show proof in front him, how come I live da way I live.

Job 14:19

An da watta poun da stones fo make um come small, An da storms wash away da dirt. Az wat you do to peopo, So dey no trus an wait fo you no moa.

Job 16:22

“Not too many year befo I mahke, An befo I no can come back no moa.”

Job 17:1

“Inside I no stay strong. My time fo live stay pau awready. Da grave stay wait fo me.

Job 17:11

“My time, pau awready. My plans, gone wit da wind. Same ting, eryting I like happen—no goin happen.

Job 17:15

Den you tink I stay wait fo someting good happen?! No way! Nobody goin find one good ting dat goin happen fo me lidat.

Job 17:16

If da ony ting I wait fo, is go down da Mahke Peopo Place, Den eryting I wait fo, goin go down wit me too inside da dirt.”

Job 19:10

God bus me up all ova, till I almos mahke, Jalike he bus up da wall aroun one town! He jam up eryting I stay wait fo, Jalike he pull up da roots from one tree.

Job 6:11

“I not strong enuff fo wait! If I ony goin live short time, no need hang in dea!

Job 9:25

“My days go mo fas den one guy dat run fas. Dey fly away, but notting good happen to me.

Songs 102:11

Real fas now, da time I stay alive Almos pau! I goin be jalike da shadows evening time. I stay come all dry up, jalike dry grass.

Songs 144:4

Us peopo ony stay hea short time, Jalike one breat us guys breave, O jalike us one shadow Dat pass by fas.

Smart Guys 14:32

Da bad kine peopo, Dey goin get wipe out, Wen dey do bad kine stuff. Da peopo dat do da right ting erytime, Even wen dey goin mahke No mo notting goin hurt dem.

Jeremiah 2:25

Same ting, you Israel peopo, No need run till yoa slippas broke, An yoa throat come dry. But you guys tell, ‘No try bring us back from how we stay! Us love da gods from da odda peopos! Us gotta stay tight wit dem!’

Efesus 2:12

Dat time, Christ no mean notting to you guys. You guys no mo da right fo be one Israel citizen dat time. Wen God wen make one promise dat he goin make one deal fo his peopo bumbye, dat deal no was fo you guys. But fo you guys dat stay hea inside da world, you guys neva know God. Az why you guys neva stay shua dat someting good goin happen to you guys bumbye.

James 1:11

Da sun come up an come real hot, an make da plant dry up. Den da flowa fall down, an da plant no look nice no moa. Same ting fo da rich braddah—he stay work fo make his money, but jalike da flowa, he goin mahke.

James 4:14

Eh, you guys! You guys donno wat goin happen tomorra, o how yoa life goin be! You jalike da morning kine cloud dat come way down. You spock um one short time ony, an den, dey go way.

1 Peter 1:13

So den, make ready fo tink good bout all dis stuff. Try tink clear fo know wat fo do erytime. Stay ready fo go all out fo trus Jesus Christ till God bring him back. Cuz dass wen God goin give you guys all da good kine stuff.

1 Peter 1:24

Da Bible befo time tell, “Erybody stay jalike one grass, o one flowa. Dey ony nice fo short time. Den da grass all dry up An da flowa fall down. Den dey come poho an mahke,