Job 7:5 - Hawaii Pidgin Bible

⁵ My body get worms an dirty scabs all ova. My skin get plenny sores an da pus come out slow.

Job 7:5 ပူးပေါင်းရင်းမြစ်များ

Job 13:28

“Peopo stay come poho jalike someting rotten! Jalike da puka in da clotheses dat da moth wen eat.”

Job 17:14

If I ony wait fo tell da Deep Dark Hole, ‘You, my faddah!’ An call da worms ‘My muddah, my sistah!’

Job 17:7

My eyes no can see good cuz I stay sad inside an cry. My whole body come real skinny an I no mo one shadow.

Job 19:20

My bones real weak, dey stick to my skin an muscle. I feel jalike I goin mahke, but I no mahke yet!

Job 19:26

An even afta my skin stay all wipe out Wile I still stay alive I goin see God.

Job 24:20

I like fo even dea muddahs foget dem, An fo da worms tink dea mahke body sweet fo grind. I like nobody rememba da bad kine guys. All da tings dey wen do dat not pono, goin come wipe out, Jalike one tree dat wen split.

Job 9:31

You goin dump me inside one pilau pit. Den even my clotheses goin tink I pilau.

Isaiah 1:6

From on top yoa head to undaneat yoa feet You guys no even get one place dat stay good, Ony get cut, scar, black an blue, An bad open kine sore all ova. Nobody clean out da pus, Nobody put olive oil on top fo make um come sof, An nobody put bandage on top um.

Isaiah 14:11

You guys wen ack high makamaka, Peopo play music fo you, But now, you guys come down to Da Mahke Peopo Place. Da bed you goin get down hea Get worms fo mattress an blanket.

Isaiah 66:24

“An wen peopo go outside Jerusalem, dey goin see all da mahke bodies a da peopo dat wen go agains me. Da worm dat stay eat dem no goin mahke, an da fire dat burn dem no goin pio. Erybody goin feel pilau wen dey see da bodies.”

Ezekiel 20:43

Wen you guys come ova dea, you no goin foget how you guys wen live, an all da real bad tings you guys wen do fo come pilau. Den you guys goin come all bum out cuz a all da bad kine stuff you guys wen do.

Jesus Guys 12:23

But King Herod neva tell notting. So right den an dea, cuz Herod no talk good bout God an tell um “Mahalo plenny!” one angel guy from Da One In Charge wack him, an he get worms dat eat up his inside an he mahke.