Job 7:4 - Hawaii Pidgin Bible

⁴ Wen I lay down I tink, ‘How long befo I get up?’ But da nite go real slow, an I ony roll aroun too much Till da light start fo come.

Job 7:4 ပူးပေါင်းရင်းမြစ်များ

Job 17:12

Dese guys tell, ‘Da nite time, dass da day time, you know.’ Wen come all dark, dey tell, ‘Almos light!’

Job 30:17

Nite time I feel jalike someting stay digging inside my bones. Jalike someting stay chewing on me, dat no can res.

Songs 109:23

I litto mo disappea Jalike one aftanoon shadow. Jalike wen you shake off one locust bug.

Songs 130:6

I hang in dea an trus my Boss. I feel jalike da army guys Dat guard da town all nite. An dey hang in dea an wait Long time fo day time come,

Songs 6:6

I stay tired cuz I stay moan all da time. Ery nite, I cry till da bed all wet. My pillow wet cuz I stay crying.

Songs 77:4

You make my eyes stay open! Plenny tings bodda me, Az why I no can even talk!

Isaiah 54:11

Da One In Charge tell: “Eh my peopo! You guys get hard time now, Jalike one town dat get hard time, Jalike big storms stay poun da town. An nobody kea Fo give you guys good kine words. But you know wat I goin do, How I goin change all dat fo you guys?! Dis da picha! Jalike I goin build yoa bus up town Real nice dis time. Jalike I goin put blue lapis lazuli jewel stones On top da foundation, An put up da building stones Wit da kine mud dat cost plenny.

Rules Secon Time 28:67

Morning time you guys goin tell, ‘I like nite time fo come!’ Nite time you guys goin tell, ‘I like morning time fo come!’ Cuz you guys stay real sked inside, an you goin see real bad kine stuff happen.