Job 7:20 - Hawaii Pidgin Bible

²⁰ If I wen do one bad kine ting, dat no goin do notting to you. You da One dat watch peopo! How come you make me yoa target fo shoot?! How come I one heavy load you gotta carry?!

Job 7:20 ပူးပေါင်းရင်းမြစ်များ

Nehemiah 9:6

“You Da One In Charge, you da ony one! You wen make da sky, an even da mos high part a da sky. You wen make da sun an da moon an all da stars, jalike one army. You wen make da world an eryting dat stay live on top. You wen make da ocean an eryting dat stay inside dea. You da one dat wen make all da animals an plants an fish an peopo stay alive, An erybody dat stay inside da sky stay show you love an respeck!”

Job 10:14

If I do anyting dass wrong, you stay watch me, An fo shua you goin punish me fo dat.

Job 10:2

I goin tell God: ‘I like fo you no jus tell, I wen do wrong! Tell me, how come you still poin finga me?!

Job 10:6

Az why you gotta look fo wat I do wrong, o wat?! An find out all da bad kine stuff I wen do?

Job 13:26

You write down poison kine tings agains me! You make me suffa fo bad tings I wen do wen I was real young!

Job 14:16

Fo shua you goin take kea me, ery step dat I walk, You no goin watch me jus fo see if I jam up someting.

Job 22:5

Nah! All dis gotta be, cuz you do plenny bad kine stuff! Fo shua, you stay do wass wrong an you no can stop!

Job 3:24

I ony yell an moan, an no can eat. I stay moan loud cuz I stay crying plenny.

Job 31:33

If I cova ova da bad kine stuff dat I do, Jalike plenny peopo hide um— But I no do dat kine stuff! An if I wen know dat I get da blame, An still hide um inside— But I no mo blame!

Job 33:27

Den da guy go in front erybody an tell, ‘I wen do bad kine stuff. I wen jam up wat stay right. But God neva punish me fo pay me back!

Job 33:9

‘Me, I stay clean an no do notting bad. I no mo da blame fo notting.

Job 35:3

But you erytime aks God, ‘How dat goin help you, God? An wat good ting goin happen to me if I no do notting bad?’

Job 35:6

If you do someting bad, wat goin happen to God cuz a you? Notting. An if you go agains him plenny times, wat you do to him? Notting.

Job 6:4

Jalike Da God Dat Get All Da Powa wen shoot me wit arrows, An da arrows get poison dat jam me up inside! God do all kine stuff dat make me sked!

Songs 21:12

Cuz wen dey see dat you ready fo shoot dem wit arrows, Dose peopo goin turn aroun an bag! You ony goin see dea back side.

Songs 36:6

How you do da right ting erytime— Dass awesome, Jalike da mos big mountains! Da way you tell Wass right an wass wrong Cuz you da judge, Dass deep, Jalike da mos deep ocean! Eh! You Da One In Charge! You stay get peopo an animals Outa trouble.

Songs 80:4

Da One In Charge, You da God Ova All Da Armies! How long you goin stay huhu An no lissen wen yoa peopo Pray to you?!

Sad Song 3:12

He make his bow ready fo shoot, An put me fo da target fo his arrow.