Job 7:16 - Hawaii Pidgin Bible

¹⁶ I hate my life! I no like stay alive long time. If I mahke, no bodda me! Cuz my life no mean notting!

Job 7:16 ပူးပေါင်းရင်းမြစ်များ

Start 27:46

Den Rebecca tell Isaac, “You know da wahines from aroun hea from da Het ohana? I no like dem! If Jacob marry one a dem wahines from da Het peopo jalike Esau wen do, one local kine wahine from aroun hea, mo betta I mahke!”

1 Kings 19:4

But Elijah take one mo day fo go mo inside da boonies. He come by one broom tree an sit down undaneat, an he tell God fo let um mahke. He tell Da One In Charge, “I no can handle no moa! Let me mahke awready! No way I one betta man den my ancesta guys!”

Job 10:1

An Job tell, “Bum me out, Dat I gotta stay alive! Az why I goin squawk some moa. I goin talk, cuz inside, I feel all hamajang.

Job 10:20

Fo shua I goin mahke pretty soon now! Turn away from me, fo let me stay good inside litto bit,

Job 14:6

So look away from us guys, an bag from us. Jalike us goin stay da time somebody pay us fo work, An afta, us goin go home an feel good.

Job 6:9

I like fo God tink az good fo smash me, Fo wack me wit his fis an cut off my life.

Job 7:15

Mo betta somebody choke my neck fo me mahke! Az mo betta den stay inside dis body!

Job 7:7

God, no foget dat my life stay jalike one wind dat blow ony short time! No way I goin stay good inside even one mo time.

Job 9:21

“No matta I no mo blame, I no give a rip bout me. My life no mean notting to me!

Songs 144:4

Us peopo ony stay hea short time, Jalike one breat us guys breave, O jalike us one shadow Dat pass by fas.

Songs 39:10

No bus up me no moa! You come afta me real strong, I had it awready!

Songs 39:13

No get mad face at me no moa! Let me smile one mo time Befo I go way an mahke.

Songs 39:6

“Peopo jalike one shadow Stay walking aroun. Dey run aroun plenny, But ony wase time, Jalike da wind dat come an go. Dey pile up plenny stuffs, But dey donno who goin get da stuffs Afta dey mahke.”

Songs 62:9

Da peopo dat not importan, Dey jalike da air. Da importan peopo, No can trus wat dey tell you. Wen dey breave, dat air mo heavy Den all dose peopo togedda.

Songs 78:33

Dass why God make eryting dey do, All da time dey live, come poho. He make da peopo come real sked, Fo dem mahke.

Songs 78:39

Cuz he tink lidis: “Aah, dey ony peopo. Dey jalike da wind, Dat blow but no come back!”

Teacha 2:17

Az why I tink, “Poho, dis life!” Cuz da stuff peopo do unda da sun, bodda me plenny! No mo notting make sense. Jalike us chase da wind!

Jeremiah 8:3

Da peopo dat stay alive still yet, from dis real bad kine nation, wea eva I make dem go, dey all goin like mahke mo den dey like live!” Az da message from me, Da One In Charge, da God Ova All Da Armies.

Jonah 4:3

You, you Da One In Charge! Kill me now, cuz mo betta I mahke den stay alive!”

Jonah 4:8

Den, da sun come hot. God make one hot wind come from da east side. Da sun shine real strong on top Jonah head, an he litto mo pass out. Jonah tell God, “How come you no jus let me mahke?! Mo betta fo me mahke den stay alive!”