Job 6:4 - Hawaii Pidgin Bible

⁴ Jalike Da God Dat Get All Da Powa wen shoot me wit arrows, An da arrows get poison dat jam me up inside! God do all kine stuff dat make me sked!

Job 6:4 ပူးပေါင်းရင်းမြစ်များ

Job 16:9

God stay huhu an bus me up, Jalike one wild animal go afta da animals he kill. Jalike he make mad face cuz he hate me plenny. He give me stink eye cuz he stay agains me.

Job 19:12

Jalike his guys dat raid come afta me. Jalike I one wall, an dey pile dirt fo come ova me. Jalike dey make camp aroun my tent.

Job 20:16

Wen da guys dat rip off stuff get rich kine stuffs, Az not dea candy. Dey suck da poison from da poison snakes. Dat poison goin kill um!

Job 21:20

Mo betta da bad guy see wat happen wen God wipe him out. Let him be da one find out az God come huhu wit him, Da God Dat Get Mo Powa Den All Da Odda Gods.

Job 30:15

Skery tings come all ova me. Jalike da wind blow way all da respeck peopo wen get fo me. All da good kine stuffs I get, gone awready jalike one cloud.

Job 31:23

Cuz I stay sked dat God goin wipe me out fo no help da kids! He real awesome, an I stay sked a him. Az why I no can do bad kine tings!

Job 34:6

No matta I neva do notting wrong, He ack jalike I bulai. No matta I neva go agains him, Az jalike he shoot one arrow fo hurt me, An no mo notting goin make me come mo betta.’

Job 7:20

If I wen do one bad kine ting, dat no goin do notting to you. You da One dat watch peopo! How come you make me yoa target fo shoot?! How come I one heavy load you gotta carry?!

Job 9:17

Mo like he goin smash me wit one storm. He goin hurt me ova an ova fo notting.

Songs 143:7

Try do someting fo me real quick, Da One In Charge! Cuz I desperate! No look da odda way Fo me no see yoa face! Cuz if I no stay tight wit you, I goin come jalike da odda guys Dat go down da Deep Dark Hole.

Songs 18:14

He sen da lightning jalike he shoot arrows, He make da peopo dat stay agains him Run all ova da place. He make da arrows flash plenny times wit lightning, So da peopo donno wat fo do.

Songs 21:12

Cuz wen dey see dat you ready fo shoot dem wit arrows, Dose peopo goin turn aroun an bag! You ony goin see dea back side.

Songs 38:2

I stay plenny sore inside, Jalike you wen shoot me wit arrows. I feel jalike I all bus up, Jalike you wen false crack me.

Songs 38:3

Cuz you stay huhu wit me, All my body stay sick. Cuz I wen do bad kine stuff, I no can feel good.

Songs 45:5

Sharp, da arrows you shoot! Dey go inside da hearts a da peopo Dat stay agains you, da king. Dey fall down an mahke Unda yoa feets.

Songs 7:13

God goin make ready da tings he use fo kill, An he goin light his fire arrows.

Smart Guys 14:10

Ony da guy dat stay sad inside Know how much he stay sore. An wen somebody stay real good inside, Odda peopo no can feel da same ting.

Smart Guys 18:14

Yoa spirit make you strong inside Even wen you sick. But if yoa spirit stay all bus up, Den you no can handle notting.

Isaiah 28:19

Goin get plenny army guys Dat stay come thru hea Ery morning, ery day, an ery nite, Jalike erytime da big watta come, An catch you guys an take you away.” Wen da peopo undastan wat dis mean, Dey goin be fo real kine sked an shaking.

Sad Song 2:4

Jalike God stay agains us guys, he make his bow ready. His right hand stay ready fo shoot da arrow. He kill erybody dat us guys love da mostes. Cuz he real huhu, jalike he dump fire On top da place wea da Jerusalem peopo live!

Sad Song 3:3

Fo shua, Da One In Charge stay go agains me Erytime, all day.

Mark 15:34

Three clock Jesus yell real loud, “Eloi, eloi, lema sabaktani!” Aramaic language dat mean, “My God, my God, how come you bag from me?”

2 Corint 5:11

Us get choke respeck fo God. Dass why we try fo help da peopo get da same kine respeck fo him. God know how we stay inside. I like you guys know how we stay inside too.

Rules Secon Time 32:42

Wen I fight, goin be Jalike my arrows stay piloot from da blood, An my sword goin eat da bodies a da ones I goin kill An da prisonas bodies too, An da heads dat get long hair a da army guys dat stay agains me.”

Ruth 1:20

Naomi, she tell um, “Eh! Mo betta no call me Naomi, Cuz dat mean ‘eryting nice.’ Mo betta call me Mara, Cuz dat mean ‘eryting jalike bad taste.’ Cuz Da God Dat Get All Da Powa, He wen make eryting come real junk fo me.