Job 5:9 - Hawaii Pidgin Bible

⁹ God do awesome kine stuff dat nobody can tink. He do unreal kine stuff, mo den can count.

Job 5:9 ပူးပေါင်းရင်းမြစ်များ

Job 10:16

If I ack proud, you go afta me jalike one lion. Ova an ova, you show yoa awesome powa agains me.

Job 13:1

“You know, all dis stuff you guys tell, I see um awready. I hear all dis stuff awready, an I undastan um.

Job 37:14

“Eh Job, lissen up, aah?! Stop an tink bout da awesome tings God do Dass hard fo undastan.

Job 37:16

You know how da clouds move inside da sky? You know all da awesome stuff dat God do? Cuz he perfeck an know eryting.

Job 37:5

God use his voice Fo make thunda mo awesome den us guys wen hear. He do big tings dat us guys no undastan.

Job 42:3

You tell, ‘Who dis dat jam up wat I tell, Wen I tell peopo wass good fo dem do. Who dis dat talk plenny, but donno notting?’ Dass me! Fo shua I wen talk bout stuff dat I neva undastan. Stuff dass too awesome fo me!

Job 9:10

He do unreal kine tings dat nobody can figga out. He do awesome kine stuff, mo den can count.

Songs 139:18

Wen I try fo count um, Dey mo plenny den da sand On top da beach! Still yet, erytime I wake up, You stay right dea wit me!

Songs 145:3

Da One In Charge, he da One! Real good fo tell good tings bout him! He real big, no can figga out Eryting bout him!

Songs 40:5

Eh! You Da One In Charge! You my God, An you do plenny awesome kine stuff! You do awesome kine tings fo us guys! Da tings you plan fo do, Az good fo us guys! No mo nobody jalike you! I like tell peopo wat you do, But get uku plenny stuff fo tell, No can tell eryting!

Songs 40:6

Sacrifices an gifs, Az not da main ting Fo make you come good inside— You, Da One In Charge! You neva tell I gotta make Burn up kine sacrifices fo you, O da kine sacrifices Fo hemo da shame Fo da bad tings I wen do. But you wen give me my ears fo lissen. If I lissen wat you tell, an I do um, Fo shua, dat make you Come good inside!

Songs 72:18

I like erybody tell good tings bout God, Da One In Charge, Da God fo us Israel peopo! Him da ony god dat do stuff Dass awesome fo real kine!

Songs 86:10

Cuz you, you real big An you do awesome kine tings. You, you da ony one Dass God fo real kine!

Teacha 3:11

He make eryting happen jalike suppose to happen, fo da time wen suppose to happen. He make peopo tink bout wat maybe goin happen bumbye, but dey no can undastan eryting dat God stay do from da start till da end.

Isaiah 40:28

You guys neva know all dis, o wat?! You neva hear bout dis?! Da One In Charge, he da God dat stay foeva! He da One wen make Even da mos far places inside da whole world. He no goin come tired o wore out. Nobody can check out da way he undastan eryting!

Rome 11:33

Ho, God! He unreals smart! God, he know how fo use all his smarts! An he know eryting! No mo nobody undastan how he make up his mind! No mo nobody can figga out how come God do wat he do! Jalike da Bible tell befo time: