Job 5:5 - Hawaii Pidgin Bible

⁵ I like fo da peopo dat stay hungry Eat up da food dat guy wen plant, Befo he harves um. I like dey take da guy food, even wea get thorn fence. I like fo da greedy peopo go afta da rich kine stuffs he get.’

Job 5:5 ပူးပေါင်းရင်းမြစ်များ

2 Records 33:11

Az why Da One In Charge bring agains da Israel peopo da army leadas fo da Assyria king. Dey catch Manasseh, an make him prisona. Dey put one hook thru his nose, chain him up wit bronze metal leg chains, an make um walk all da way Babylon side.

Job 1:15

Da steala guys from Shava go attack dem! Dey take away da animals, an kill yoa worka guys wit dea swords! Me, I da ony one dat get away fo come tell you dis!”

Job 1:17

An befo dat guy pau talk, anodda messenja guy come. He tell, “Da Kaldea guys make three gangs fo jump yoa camels an take um away. Dey kill yoa worka guys! Me, I da ony one dat get away fo come tell you dis!”

Job 12:6

Eryting stay quiet inside da tents Wea da guys live dat like bus up eryting. An inside da tents wea da guys live Dat make God come huhu, No mo nobody bodda dem. Az jalike dey carry dea idol kine gods wit dem.

Job 2:3

Den Da One In Charge tell Da One Dat Stay Agains God, “Wat you tink bout my worka guy Job? No mo nobody on top da earth stay jalike him. He one guy no mo nobody poin finga him. He erytime do da right ting. He get awesome respeck fo me, God, an he stay away from da bad kine stuff. An he still yet come mo strong fo do stuff dat no mo nobody poin finga him, no matta you wen try make me mess him up fo notting.”

Job 20:15

Dey goin bahf up all da rich kine stuff dey wen swallow. God goin make dea belly throw um up.

Job 20:22

“Even wen da guys dat rip off stuff stay rich, dey goin get hard time. All kine bad stuff goin make dem suffa.

Job 22:10

Az why get traps all aroun you. Az why right den an dea you come real sked.

Songs 109:11

Make da peopo dat da guy owe money to, Go an grab eryting from him. Make peopo dat he donno Rip off eryting he wen bus ass fo get.

Isaiah 62:8

Da One In Charge make dis promise Cuz he get da powa fo make um happen: “No mo I goin eva let Da peopo dat stay agains you Take away yoa wheat an barley. I no goin eva let Da peopo from anodda place Drink da new wine You guys wen bus ass fo make.

Jeremiah 51:34

Dis how da Jerusalem peopo goin talk: “Nebukadnezzar, da Babylon king, He eat up us Jerusalem guys. He make us come hamajang. He show erybody, dat us guys no mo notting, Jalike us one empty pot. He swallow us guys, Jalike he one big monsta from inside da ocean. He fill up his opu wit ery part a us dat taste good to him, An den, he spit out da res.

Jeremiah 51:44

I goin punish Bel, da god fo da Babylon peopo. I goin make Bel bahf wat he wen swallow. Da peopo no goin go Babylon fo pray to Bel no moa, Jalike how was befo time. Da Babylon town wall goin fall down too.

Sad Song 2:16

All da peopo dat stay agains you guys make fun a you. Dey laugh an grind dea teet. Dey tell, “Fo shua, jalike us guys wen swallow dem! We wen wait long time fo see dis happen!”

Sad Song 2:5

Da Boss come jalike one guy dat stay agains us guys, He wase da Israel peopo. He wase all dea palaces. He bus up dea strong wall. He make plenny Judah peopo moan Cuz dey stay real sad inside.

Hosea 8:7

“Az jalike da Israel guys plant da wind, An harves da whirlwind! Da wheat stalk no mo wheat berry, An no can make flour. An if some wheat plant get wheat berries, Fo shua, goin get guys from anodda place goin eat um!

Rules Secon Time 28:33

One peopo dat you donno goin eat da food from yoa land dat you wen work hard fo grow. You guys no goin get notting fo keep, you ony goin get hard time erytime.

Rules Secon Time 28:51

Dey goin eat all yoa bebe animals an da food dat you guys wen plant, till dey wipe out you guys. Dey no goin leave you guys wheat o barley, new wine, new olive oil, bebe cows, o bebe sheeps. Dey goin wipe you guys out till you no mo notting!

Local Leadas 6:11

One time, one angel messenja guy from Da One In Charge come sit down unda da oak tree Ofrah side. Da tree was Joash property. He come from Abiezer. Gideon, Joash boy, stay take da junks outa da wheat. He stay do um inside one place wea dey press da juice from da grapes, so da Midian guys no can see um an rip um off.