Job 5:4 - Hawaii Pidgin Bible

⁴ I tell: ‘I like fo his kids stay far from peopo dat can get dem outa trouble! I like fo da judge go smash dem, an fo no mo nobody help dem!

Job 5:4 ပူးပေါင်းရင်းမြစ်များ

Job 1:19

An right den an dea, one tornado kine wind come from da odda side a da boonies, an hit ery side a da house! Da house fall down on top da young guys, an dey all mahke! Me, I da ony one dat get away fo come tell you dis!”

Job 10:7

You do dat, no matta you know dat I no mo da blame, But no mo nobody can get me outa yoa powa!

Job 20:10

Dea kids gotta give back da stuff dea faddah guys wen rip off From da peopo dat no mo notting. Dey gotta pay um back from da stuff dea faddah own.

Job 27:14

No matta how plenny kids dey get, dey all goin get kill wit swords. Dea kids no goin get enuff fo eat, eva!

Job 8:4

Gotta be, yoa kids wen do bad kine tings God tell um not fo do! Az why he punish dem fo da bad kine stuff dey wen do.

Songs 119:155

No way you goin get da peopo Dat do wass wrong outa trouble, Cuz dey no like fo know Wat you tell dey gotta do.

Songs 127:5

Any guy dat get plenny boys lidat, He can stay good inside, Jalike one army guy Dat get one bag full a arrows! Bumbye, if get peopo Dat stay agains his kids, An dey poin finga dem In front da town leada guys, Da kids no goin come shame, Cuz dey pono!

Songs 7:2

If you no do dis, Dey goin rip me up an kill me, jalike one lion Dat drag me some place nobody can get me out.

Outa Egypt 20:5

No go down in front da odda gods fo show um love an respeck, an no work fo dem. Cuz I yoa God, az me, Da One In Charge! An if you go down in front da odda gods, I one jealous God! Az why I goin punish da peopo dat do bad kine tings an da ones dat hate me. An if dea kids do da same ting, I punish dem too, an same ting wit dea grankids, an even dea great-grankids.

Smart Guys 24:7

Da peopo dat do bad kine stuff An dat no bodda dem, No way dey goin undastan Wat da guys dat know wat fo do erytime, tell. Az why, wen dey go by da importan peopo, Dey no mo notting fo tell.

Amos 5:12

Eh! I know how much stuff you guys do agains me. I know all da diffren ways you guys do bad kine stuff! You guys, you stay agains da peopo dat do da right ting. You guys like get money from unda da table, You guys like put presha on peopo Az why da ones dat need help from da judge, no goin get help!

Joshua 20:4

“Wen da guy dat kill somebody go one City A Refuge town, he goin stan by da gate fo da town, an tell da older leada guys fo dat town wat wen happen. Den da older leadas goin let um go inside da town, an give um one place fo live wit dem.