Job 5:3 - Hawaii Pidgin Bible

³ I wen see one guy dat do bad kine stuff an no bodda him. Da guy look jalike he get plenny stuff jalike one tree wit one good root. But right den an dea I put kahuna on top da house wea he live:

Job 5:3 ပူးပေါင်းရင်းမြစ်များ

Job 24:18

“I like da bad guys disappea jalike da foam on top da watta. I like da land dey own get kahuna on top um, Fo nobody even go dea grape fields.

Job 27:8

Da guys dat ack jalike God no matta, Wat dey goin wait fo, wen God cut dem off, aah?! O wat dey goin do wen God take away dea life?

Job 31:30

But az not how stay! Me, I neva do notting wrong wen I talk. I no put kahuna on top da guy dat hate me fo him mahke.

Songs 37:22

Da peopo dat Da One In Charge Do good tings fo, Dey da ones dat goin get da land Cuz dey his kids. Da peopo Da One In Charge Put kahuna on top dem, Dey goin get cut off from him.

Songs 69:25

I like da place dey make camp Come all bus up. I like dea house come So no mo nobody live dea.

Songs 92:7

Dis wat dey no undastan: No matta da bad kine peopo come up All ova da place jalike grass, An all da bad guys Dat stay do wass wrong Look good, Jalike wen da flowas come out, God goin wipe um out, An dey goin stay wipe out foeva!

Jesus Guys 1:20

Den Peter tell, “David wen write down inside da Songs Fo God, “ ‘His place goin stay empty, No let nobody stay dea.’ “An David write too, “ ‘Good fo anodda guy take ova his kuleana fo lead.’