Job 5:2 - Hawaii Pidgin Bible

² If one guy do bad kine stuff an no bodda him, An he come huhu, dat guy goin mahke. If one guy dat donno wat fo do come jealous, he goin get kill.

Job 5:2 ပူးပေါင်းရင်းမြစ်များ

Start 30:1

All dat time, Rachel see dat she no can born kids fo Jacob. Stay blow her mind, cuz her sistah get kids an her no moa. Az why Rachel tell Jacob, “Eh! Give me kids! If I no mo kids, fo shua I goin come real shame an mahke!”

Start 38:9

But Onan, he figga dat if he make Tamar hapai, da kid no goin be fo him, goin be fo his mahke braddah ohana. Dass how come, erytime him an Tamar make sex, Onan pull out quick fo make shua she no come hapai fo his mahke braddah ohana.

Job 18:4

You stay real huhu an come all bus up cuz a dat! You tink erybody gotta leave dis world jus cuz a you, o wat?! You tink da cliffs gotta move aroun cuz a you, o wat?!

Songs 107:17

Some a dem wen come stupid An get one attitude, Cuz dey like beef wit God, An cuz dey stay do Any kine bad kine stuff, Plenny trouble come to dem cuz a dat.

Songs 14:1

Da stupid peopo, dey tink “No mo God!” Dat kine peopo, dey jam up stuff. Pilau wat dey do! No mo even one a dem dat do good kine stuff!

Songs 75:4

“I tell da guys dat talk big Bout wat dey do, ‘No talk big!’ I tell da guys dat stay do Bad kine stuff, ‘No show off how strong you stay!

Songs 92:6

But fo da kine peopo Dat donno how fo tink good, Get stuff dey no goin know. Da dumb buggahs dat tink Dey no need learn notting, Dey no can undastan Wat I goin tell now.

Smart Guys 12:16

Wen someting bodda da stupid head kine peopo, Dey make shua erybody know right den. But wen somebody try make Da akamai kine peopo come shame, Dey no say notting.

Smart Guys 19:16

Whoeva make shua dey do wat da Rules from God tell, Same time, dey goin take kea dea life too. Somebody no kea how dey ack, Dey goin get cut off from God foeva.

Smart Guys 19:19

Somebody show dey real mad erytime, Dey goin pay fo dat. Cuz if you help um get outa trouble, You gotta do da same ting ova an ova.

Smart Guys 27:3

Heavy, fo carry one big stone. An da sand mo hard fo carry. But mo heavy an mo hard, Wen get da kine guy dat do bad kine stuff an no bodda him, An he make trouble fo you!

Smart Guys 8:5

Eh, you guys dat donno notting an easy fo bulai! Come learn how fo be akamai! An you dumb buggahs dat tink you no need learn notting, Come learn how fo tink strait!

Teacha 7:9

No come huhu fas, aah?! Cuz dass how da stupid guys stay inside.

Hosea 7:11

“Da Israel peopo wen come jalike one dove, Stupid kine dat no can undastan notting. Firs ting, dey call da Egypt peopo fo help dem. Den dey turn aroun an call Assyria.

Jonah 4:9

God tell Jonah, “So! You tink dass good you stay huhu cuz da plant gone awready?!” Jonah tell um, “Yeah! Az good dat I stay real huhu an like mahke!”

Rome 2:8

But da odda peopos, God had it wit wat dey do. He had it wit dem awready, cuz dey like make big kine trouble. Dey no like do da true stuff, but dey erytime like do wass wrong.

2 Timoty 3:6

Some a dem, dey like make good frenz wit da peopo inside one house, cuz dey like bulai some a da wahines dea. Dey bulai dem an take um away from dea house. Dey go afta da kine wahines dat no stay strong inside cuz dey wen do choke plenny bad kine stuff, an dey ony like do wat dey like do.