Job 5:12 - Hawaii Pidgin Bible

¹² Da sly guys make one plan, but God jam um up, Wateva dey make wit dea hands, no come out da way dey figga.

Job 5:12 ပူးပေါင်းရင်းမြစ်များ

Start 31:22

Laban neva know dat Jacob wen go, till somebody wen tell him three days layta.

2 Samuel 11:9

But Uriah sleep nea da door fo da palace wit all da king worka guys. He neva go home.

2 Samuel 17:14

Absalom an all da Israel guys tell, “Wat Hushai da Ark guy tell us fo do, mo betta den wat Ahitofel tell us fo do.” (Cuz you know, Da One In Charge wen plan awready fo jam up wat Ahitofel tell fo do. He do dat fo Da One In Charge make bad kine stuff happen to Absalom.)

2 Kings 6:9

Erytime da Aram king do dat, Elisha, da guy dat stay tight wit God, sen one messenja guy by da Israel king fo tell him, “Watch out! wen you go pass by dat place, cuz dass wea da Aram army guys goin make dea war camp.”

Nehemiah 4:15

Da guys dat stay agains us find out dat us guys know wat dey plan fo do, an dat God jam up dea plan awready. So us guys go back fo work on da wall, an all dem stay work on da wall jalike befoa.

Nehemiah 4:9

But us guys pray to oua God, an put security guards day time an nite time all ova da place fo watch out fo dem guys.

Job 15:5

Cuz da bad kine stuff you do, Az why you talk lidat, Da way sneaky kine peopo talk.

Songs 21:11

No matta da peopo dat hate you make plan Fo do bad tings to you, Da stuff dey like do, dey no can do,

Songs 37:17

Cuz Da One In Charge, He goin broke da bad guys arms, But he goin help da guys Dat do wass right.

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Smart Guys 22:12

Da One In Charge, he stay watch fo make shua Dat wateva stay true, goin stay true foeva. But weneva one two face guy tell someting, Da One In Charge goin jam up wat da guy tell.

Isaiah 19:3

Da peopo inside Egypt goin lose fight. Dey make one plan, but I goin jam up da plan. Dey goin go aks dea idol kine gods, An da mahke peopo spirits. Dey goin aks da kahuna guys an wahines wat fo do.

Isaiah 37:36

Den one angel messenja guy from Da One In Charge go out fo fight. He kill 185,000 army guys inside da Assyria camp. Wen da odda peopo ova dea get up early da nex morning, get plenny mahke bodies all ova da place!

Isaiah 44:25

I da One dat jam up da sign Da fake talka guys use Fo tell wat goin happen. Da guys dat try fo find out Wat goin happen bumbye, I show da peopo dat dey stupid. I turn aroun da stuff Dat da guys talk bout dat suppose to know wat fo do, An I make eryting dey know Show dat dey donno notting.

Isaiah 8:10

You goin talk an make plan, But dat no goin happen, cuz you no can do um. You talk bout wat fo do, But no goin happen lidat, Cuz God stay wit us. Dass wat ‘Immanuel’ mean!”

Jeremiah 49:7

Bout da Edom peopo, dis wat Da One In Charge, da God Ova All Da Armies, tell: “No mo nobody Teman side Dat know wat fo do erytime, o wat? No mo nobody dat undastan stuff An can help odda peopo make one good plan? Da ones dat befo time wen know wat fo do erytime, Now, dey come good fo notting, aah?

Jeremiah 8:8

Da One In Charge tell: “How come you guys tell, ‘Us smart! Us guys know wat fo do erytime, Cuz we get da Rules from Da One In Charge!’ ”? But you know wat?! Da guys dat teach my Rules, Dey use wat dey write fo bulai you guys!

Obadiah 1:8

Da One In Charge tell, “Dat time, fo shua I goin wipe out da guys Edom side Dat tink dey know wat fo do erytime— Da guys from da Esau mountains dat undastan plenny.

Jesus Guys 12:11

Den Peter tink wat wen happen, an he figga, “Now I know dis not one dream! Dis fo real! Da One In Charge sen his angel guy fo get me outa King Herod powa, an from all da stuff da Jew guys plan fo do to me.”

1 Samuel 23:13

Az why right den an dea, David an his guys, bout six hundred guys, go outa Keilah, an stay go from one place to anodda place, any place dass good fo dem go. Somebody tell Saul dat David wen get outa Keilah. Az why Saul neva go ova dea.