Job 5:10 - Hawaii Pidgin Bible

¹⁰ He da One sen da rain on top da earth, An sen watta on top da countryside.

Job 5:10 ပူးပေါင်းရင်းမြစ်များ

Job 28:26

Wen God make da rules bout da rain, An da way fo da thundastorms go,

Job 36:27

“He pull up all da watta drops togedda an make um pure. He make da fog come rain fo da streams.

Job 36:28

Da clouds drop down dea watta An plenny rain fall on da peopo.

Job 37:6

He tell da snow, ‘Fall on top da groun!’ He tell da rain, ‘Make one nice showa!’ O ‘Make one big heavy rain!’

Songs 147:8

Da One In Charge, he da One Dat make da clouds cova da sky, An give da groun enuff rain, An him da one dat make da grass Come up all ova da mountains.

Songs 68:9

God, you wen dump Plenny rain on top da land, Cuz you like give rain, no matta you no need do dat. No matta da land you own Stay poho dat time, You fix um.

Jeremiah 10:13

Wen he talk, da thunda, jalike az his voice, An make da watta inside da sky make big noise too. He make da clouds come up From da mos far places on top da earth. He make da lightning come wit da rain. He bring da wind outa his storage places.

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 5:24

Dey no talk jalike my peopo. Dey no tell: ‘Eh, we goin come sked an shake An get choke respeck fo oua God, dass Da One In Charge a us! He give da rain da right time hea, Novemba kine rain, an March kine rain. He make shua ery year get food ready fo harves.’

Amos 4:7

Da One In Charge tell: “Da time you guys wen need da rain da mostes, Fo three month befo you harves da food, Was me dat hold back da rain. I wen make da rain go one town an not da odda town. Had rain one field, an anodda field dry up.

Jesus Guys 14:17

But he show dem who him cuz he do good stuff fo dem. He give you guys rain from da sky an plenny fruit fo harves time. He give you guys plenny food fo eat an make you guys come real good inside.’ ”