Job 42:2 - Hawaii Pidgin Bible

² “I know fo shua you can do eryting. No mo nobody can jam up wat you plan fo do.

Job 42:2 ပူးပေါင်းရင်းမြစ်များ

Start 18:14

Eh! Me, Da One In Charge! You tink get stuff too hard fo me do um, o wat? I goin come back by you same time nex year, an Sarah goin get one bebe boy.”

Job 23:13

“But God, he da ony God dass fo real. No mo nobody can make him change his mind. He do wateva he like do.

Job 25:2

“God da one dat in charge, So mo betta stay plenny sked a him. He make eryting stay pono, Inside da mos high place in da sky.

Job 42:1

Den Job tell Da One In Charge:

Songs 135:6

Eryting Da One In Charge like do, he do In da sky, an on top da earth, An inside da ocean, All da way to da bottom.

Songs 139:2

Erytime I sit down o stan up, You know bout all dat. No matta you stay far away, You know wat I tink.

Songs 44:21

You tink God neva know dat, O wat?! Cuz he da One know eryting Dat us stay hide inside us. But dass not how was.

Smart Guys 19:21

You can make plenny plan inside yoa head. But da plan dat Da One In Charge make fo you, Dass wass goin happen fo shua.

Teacha 3:14

I know fo shua eryting God do goin stay foeva. No mo nobody can add notting to um, an no mo nobody can take notting away from um. God do dis fo peopo show respeck fo him.

Isaiah 14:27

Cuz me, Da One In Charge, Da God Ova All Da Armies, I awready make dis plan. Who goin stop me? I stay ready fo use my powa. Who goin make me turn aroun an go home?

Isaiah 43:13

“An from long time befo time, I God. Wen I use my powa, No mo nobody can make me stop. Wen I do someting, No mo nobody can change um An make um jalike was befo time.”

Isaiah 46:10

From da start, I da One stay tell How da end goin come. From long time befo time, I tell tings Dat nobody do yet. I da One tell dis: “Da plan I make, Az how goin happen. I goin do eryting how I like fo do um.”

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Jeremiah 32:17

“You, Da One In Charge, you da Boss! Fo shua you da One wen make da sky an da world, cuz you strong an you no sked use yoa powa. I know, no mo notting stay too hard fo you fo do.

Ezekiel 38:10

“Dis da message from Da One In Charge, da Boss: Dat time you, Gog, goin start fo figga an make plan fo do real bad kine stuff.

Daniel 4:32

Da peopo goin make you go way from dem an make you stay wit da wild animals. You goin eat grass jalike da cows. Afta seven year pass, you goin know dat da God Dass Mo Importan Den All Da Odda Gods get da right fo tell all da govmens in da world wat dey gotta do. He can make whoeva he like come da king fo dem.”

Daniel 4:35

All da peopo inside da world, God see um, jalike dey notting. He do wateva he like do Wit da armies from inside da sky, An da peopo inside da world. No mo nobody can hold him back O aks him how come he do dat.

Matthew 19:26

Jesus look strait at dem, an tell, “No mo nobody dat can do um, but ony God, he da One dat can do um.”

Mark 10:27

Jesus look strait at dem an tell, “No mo nobody dat can do um, but ony God, he da One dat can do um all.”

Mark 14:36

Den he tell, “Daddy, you my Faddah. You can do eryting. No let me suffa lidis. But wateva you like, dass okay. I do um da way you like do um.”

Luke 18:27

Jesus tell, “No mo nobody dat can do dat, but ony God, he da One dat can do um all.”

John 21:17

An den one mo time, Jesus go aks um, “Eh Simon, John boy. You my fren, o wat?” Den Peter come all hurt inside, cuz now three time awready Jesus go aks him. He tell, “You my fren, o wat?” So Peter tell um, “You Da One In Charge! You know eryting! You know I yoa fren.” Jesus tell um “Dass right! An I tell you dis too: Feed my sheeps. Befo time, wen you was one young guy, you put on yoa clotheses an yoa belt an go wea eva you like. Bumbye, you goin come one ol guy. Den you goin stick out yoa hands an anodda guy goin tie you up an bring you one place you no like go.”

Efesus 1:11

An cuz us guys stay tight wit Christ, an God wen pick us from befo time fo come his kids, he stay give us all da tings he wen promise fo give us. He make eryting jalike he wen figga befo time. God, he da One dat can make eryting happen how he like happen.