Job 41:2 - Hawaii Pidgin Bible

² You tink you can put one rope aroun his jaw? O make one puka in his jaw wit one big hook?

Job 41:2 ပူးပေါင်းရင်းမြစ်များ

2 Kings 19:28

Cuz wen you come all piss off at me, An I hear you talk like you no give a rip bout notting, I goin put my hook in yoa nose, An put my horse bit inside yoa mout An I goin make you go back Da same way you wen come ova hea!’ ” Dass wat Da One In Charge tell Sennakerib.

Job 41:3

You tink da Leviatan goin beg you ova an ova fo give um chance? You tink he goin talk to you real nice?

Job 9:4

God know wat fo do erytime, mo den erybody. He get mo powa den anybody. Nobody can go agains him an come out okay!

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Isaiah 27:1

Dat time, Da One In Charge goin go afta Da peopos dat donno him fo punish dem. He goin ack mean to dem, Cuz he get mo powa den dem, An can wipe um out, Jalike fo go afta da sea monsta Leviatan, Dat move an turn jalike one snake fo run away, Da One In Charge, He goin kill da sea monsta. He goin wack um wit his sword, Da real big an strong sword.

Isaiah 37:29

Cuz you stay mad agains me, An I hear how big head you get Cuz you tink you mo betta den me, Me, Da One In Charge, goin make you my prisona Fo do wateva I like you fo do, Jalike I put one hook inside yoa nose, An one bit inside yoa mout, jalike you one horse. An I goin make you go back yoa place On top da same road wea you wen come from.’ ”