Job 40:9 - Hawaii Pidgin Bible

⁹ You tink you strong jalike me, God, o wat? You tink you can talk strong jalike me an make thunda?

Job 40:9 ပူးပေါင်းရင်းမြစ်များ

Job 23:6

You tink he goin use his powa fo make argue wit me? Fo shua, he goin lissen me!

Job 37:2

Lissen up! All you guys, lissen good to da big noise! Az God voice you hear, jalike thunda!

Job 9:4

God know wat fo do erytime, mo den erybody. He get mo powa den anybody. Nobody can go agains him an come out okay!

Songs 29:3

Wen Da One In Charge tell someting, Can hear um all ova da ocean, Mo loud den da big waves. Wen da awesome God talk, Soun jalike wen one storm wit thunda come ova da big ocean.

Songs 29:4

Wen you hear Da One In Charge tell someting, You know he strong. Wen he talk, You know he awesome.

Songs 89:10

You da one wen smash Da sea monsta Rahab fo him mahke. You get plenny powa, Fo make da peopo dat stay agains you Run away all ova da place.

Songs 89:13

You get plenny powa fo fight. Strong, yoa right arm, Da way you use um.

Songs 98:1

Sing one new song fo Da One In Charge, Cuz he wen do awesome tings! He da winna, Cuz he get plenny powa, An he no need nobody fo help him, Cuz he spesho!

Outa Egypt 15:6

“Eh! You Da One In Charge! Awesome, real strong yoa powa! Wit yoa strong right hand, you wen bus up Da guys dat stay agains us!

Isaiah 45:9

“Bummahs! fo anybody dat make argue Wit da One dat wen make dem! Dey notting. Dey jalike one piece from one broke pot, An anodda piece from broke pots Dat get all ova da groun. You tink da clay aks da guy dat make pots, ‘Wat you stay making, aah?! Da stuff you make Look jalike you no mo hands!’

Isaiah 52:10

Da One In Charge goin show how strong him Cuz he good an spesho! An all da peopo inside all da countries, Even da ones inside da mos far places on top da earth, Dey goin see How oua God get his peopo outa trouble!

Jeremiah 50:24

You Babylon peopo, you wen go fight me, Da One In Charge! Az how come I wen make one trap. An da trap wen catch you guys, An you neva know, had one trap!

Ezekiel 10:5

Can hear da noise from da spesho angel watcha tings wings all da way from da outside open lanai. Soun jalike wen da God Dass Mo Importan Den All Da Odda Gods talk.

1 Corint 10:22

Wat you guys tink? Us goin make Da One In Charge come huhu wit us, o wat? No good we make lidat. O, you tink us guys mo strong den him?

Joshua 4:24

He do dis fo all da peopos on top da earth know dat Da One In Charge get plenny powa! An he do um fo you guys stay sked a Da One In Charge an get respeck fo him all da time!”