Job 40:8 - Hawaii Pidgin Bible

⁸ “You tink az fo real dat I no judge da right way, o wat? You goin tell I get da blame fo you show proof you right?

Job 40:8 ပူးပေါင်းရင်းမြစ်များ

Job 10:3

You tink az good fo you, dat you put presha on me, o wat?! You like mess me up, da guy you wen work hard fo make, o wat?! An same time, how come you tink az good, all da plans da bad guys make?!

Job 10:7

You do dat, no matta you know dat I no mo da blame, But no mo nobody can get me outa yoa powa!

Job 13:18

Look, I stay ready fo tell how come I stay right. Fo shua God goin tell me I okay!

Job 16:11

God turn me ova to da bad guys. An he let da criminals do bad kine stuff to me.

Job 19:6

Den you guys gotta know dis: Az God dat judge me da wrong way! Jalike he throw his net ova me.

Job 32:1

So dese three guys no like talk no mo wit Job. Cuz da way Job see um, he ony do wass right!

Job 32:2

But get anodda guy Elihu, dat come real huhu wit Job, cuz Job stay tell dat he do wass right, an he no tell dat God do wass right. (Elihu, he Barakel boy from da Buz blood line dat come from da Ram ohana.)

Job 34:17

Somebody dat hate fo do wass right, You tink dey can be leadas? You goin poin finga da Strong One dat erytime do wass right?

Songs 51:4

Was ony you dat I wen do da bad ting to. Da way you see me, Was no right, da ting I wen do. Eh God, you stay perfeck, An you do da right ting Wen you tell you gotta punish me.

Isaiah 14:27

Cuz me, Da One In Charge, Da God Ova All Da Armies, I awready make dis plan. Who goin stop me? I stay ready fo use my powa. Who goin make me turn aroun an go home?

Isaiah 28:18

Da deal you guys wen make fo no mahke, No goin be awready! Da promise somebody wen make to you guys Fo no go da Mahke Peopo Place, No goin work! Wen da army guys come thru dis place, No ways you guys even can stan up, Jalike wen da big watta come!

Isaiah 43:26

Tell me fo me know Someting good you guys wen do befoa. Den we can make argue togedda, An you can tell me bout um, Fo show you okay.

Isaiah 45:9

“Bummahs! fo anybody dat make argue Wit da One dat wen make dem! Dey notting. Dey jalike one piece from one broke pot, An anodda piece from broke pots Dat get all ova da groun. You tink da clay aks da guy dat make pots, ‘Wat you stay making, aah?! Da stuff you make Look jalike you no mo hands!’

Rome 3:4

No ways! No matta erybody one bulaia, God erytime tell wass true! Jalike da Bible tell befo time, “Da peopo goin find out Dat wat he tell, az right. No matta dey tell dat he do wrong, He goin win still yet, Cuz he no do da bad kine stuff notting.”

Galatia 3:15

Eh, braddahs, I goin talk bout someting dat erybody can undastan. If one guy make one will an sign um in front odda peopo, nobody can change um o make um come no good.

Galatia 3:17

Dis wat I mean. God make da deal wit Abraham long time befo time bout Christ. Den, four hundred thirty year afta dat, God give Moses da Rules. But da Rules no mo da powa fo make wat God wen promise come no good.

Hebrews 7:18

Dat mean, da Rules from befo time no mo powa fo help da peopo. Dass why God wen throw out da ol rules.