Job 40:4 - Hawaii Pidgin Bible

⁴ “Me, I one nobody! No ways I can ansa back you. I shut my mout!

Job 40:4 ပူးပေါင်းရင်းမြစ်များ

Start 18:27

Den Abraham tell God, “Eh, I like try talk to you some moa. I know you da One In Charge, an me, I jalike da dirt. I notting!

Start 32:10

Me, I not one importan guy. But you stay tight wit me cuz I yoa guy. I know I can trus you erytime fo hang in dea wit me, yoa slave guy, jalike you wen tell me befo time. Cuz wen I go da firs time an cross dis Jordan Riva, I no mo notting. Da ony ting I get was one stick fo walk. Now, I get choke plenny peopo fo fill up two camp.

2 Samuel 24:10

Laytas, David feel bad afta he wen count da guys dat can fight.

1 Kings 19:4

But Elijah take one mo day fo go mo inside da boonies. He come by one broom tree an sit down undaneat, an he tell God fo let um mahke. He tell Da One In Charge, “I no can handle no moa! Let me mahke awready! No way I one betta man den my ancesta guys!”

Ezra 9:15

You Da One In Charge. You da God fo da Israel peopo. You do wass right erytime. Some a us guys come back hea now, afta we get outa trouble Babylon side. Us guys wen jam up real plenny ova hea. We no can even stan in front you cuz a da shame we get fo wat we wen do!”

Ezra 9:6

I tell: “You, my God! But I stay get plenny shame! Real plenny shame, so I no can even look up to you, my God. Da bad tings us guys stay do, jalike one big pile a rubbish dat mo high den oua head! Da shame fo do all dat bad kine stuff, jalike go all da way up to da sky!

Nehemiah 9:33

You wen do da right ting Fo eryting dat happen to us guys. Cuz we can trus you fo do Wat you tell you goin do. But us guys know fo shua Dat we wen do bad kine stuff.

Job 16:21

Da one dat can tell wat he see me do, I like fo him show proof Fo show who stay right—one guy, o God. Az jalike somebody put his hand On one guy an his fren, same same.

Job 21:5

Tink bout wat wen happen to me! Dat goin make yoa jaws drop. Put yoa hand ova yoa mout cuz goin shock you!

Job 29:9

Da main guys no talk no moa. Dey cova dea mout wit dea hand fo show dey lissen.

Job 31:37

I like tell da one dat lissen, eryting I wen do. I like go in front him jalike I one prince dat get da right fo talk to him.

Job 37:19

“Teach us guys wat we suppose to tell Da One In Charge. We no can make plan how fo argue wit him. We no undastan plenny stuff, Jalike we no can see notting.

Job 40:3

Den Job tell Da One In Charge:

Job 42:6

Az why now I pau poin finga you! I goin change my attitude! An fo show I sorry, I stay sit in da dirt an ashes.”

Songs 39:9

I no can tell notting. I no goin open my mout, Cuz you da one stay punish me.

Smart Guys 30:32

If you do stupid kine stuff An ack jalike you importan, O if you tink real hard bout how fo do someting bad, You betta stop it right now!

Isaiah 53:6

We all go all ova da place jalike da sheeps. All us guys, we go wea we like go. But Da One In Charge, he let da guy dat work fo him Take da blame fo da bad stuff all us guys do.

Isaiah 6:5

Den I wen yell, “Bummahs! I stay wipe out awready! Da way I stay talk, An da way da peopo I stay wit stay talk, No way us can come in front God! But still yet, I wen see Da One In Charge, da King, Da God Ova All Da Armies.”

Isaiah 64:6

All us guys wen come Jalike somebody dat do pilau kine stuff An no can come in front you, Da One In Charge, cuz a dat. All da tings we do fo show we stay do da right ting, Jalike pilau an dirty kine rags. We all lose fight, jalike one dry up leaf. An da bad kine stuff we do, wipe us out Jalike wen da wind blow away da leaf.

Sad Song 3:29

Even wen dey gotta put dea face on top da dirt, Still yet maybe Da One In Charge goin help dem bumbye.

Ezekiel 16:63

So den, I goin make right wat you wen do wrong fo make you pono wit me cuz a all da bad kine stuff you wen do. Den you no goin foget wat you wen do an come shame, an no open yoa mout no mo fo talk. Az wat me Da One In Charge, da Boss, tell.’ ”

Daniel 9:5

But us guys wen go buckaloose an do bad kine tings. Us guys do wass wrong. Us guys do da kine stuff we not suppose to do. Us guys go agains you, Da One In Charge, an us make deaf ear fo wat you tell us fo do. We wen bag from da rules you make dat show us wass right an wass wrong cuz you da Judge.

Daniel 9:7

“Boss, you do da right ting erytime. But today, even mo den befo time, us guys get plenny shame an lose face cuz a wat us wen do. Us peopo from Judah an Jerusalem an all ova Israel, no matta we stay nea o far, us wen broke yoa rules an no stay tight wit you. An same ting inside all da odda lands wea you wen make us go.

Prieses 13:12

“If da sick come out all ova da guy skin, an da pries see dat da sick go cova da skin from da head to da feets,

Micah 7:16

Wen da odda peopos see dat happen, dey goin come shame, Cuz dey no mo powa. Dey goin put dea hand on top dea mout Cuz dey donno wat fo do. Dey no can hear notting dat time.

Habakkuk 2:20

But Da One In Charge, he stay inside da Temple dat stay spesho fo him. Shhh! Eryting on top da earth gotta stay quiet in front him.”

Zekariah 2:13

Quiet! All you peopo on top da earth, stay quiet in front Da One In Charge. Cuz he all ready fo come down hea from da place dat stay spesho fo him in da sky!

Luke 18:13

But da guy dat colleck tax money wen stan up far away. He no even like look up to da sky, but he beat on his ches an tell, ‘God, I one guy dat wen do bad kine stuff. Give me chance!’ ”

Luke 5:8

Wen Simon Peter see how plenny fish dey get, he go down on his knees in front Jesus an tell, “Eh, Boss, go way from me, cuz I one guy dat stay do bad kine stuff!”

1 Timoty 1:15

Da stuff I stay telling you now stay true, an you can trus um: God Spesho Guy Jesus wen come hea inside dis world, fo take peopo outa da bad kine stuff dey stay do. I da one wen do mo plenny bad kine stuff den all da odda peopo.

Local Leadas 18:19

Dey tell um, “No talk! Go come wit us guys! You goin be jalike da faddah an da pries guy fo all us Dan ohana guys. Mo betta you work fo one big Israel ohana an one big family, an be dea pries, an no jus work fo ony one guy an his blood line, aah?”