Job 38:4 - Hawaii Pidgin Bible

⁴ “Wea you wen stay wen I put da foundation fo da world? Tell me, if you undastan all dat!

Job 38:4 ပူးပေါင်းရင်းမြစ်များ

Start 1:1

Da time wen eryting wen start, God make da sky an da world.

Start 2:4

An dass da God Make Eryting story bout how was wit da sky an da world, wen God make um all. Dat time, wen God, da one dey call Da One In Charge, make da world an da sky,

Job 15:7

“You tink you da firs guy dat was born? You born befo God make da hills, o wat?

Job 28:25

Da time God tell how strong da wind stay blow, An measure how much watta stay get,

Job 34:13

Who wen pick God fo stay in charge a da earth, aah?! Who make him da main One ova da whole world?! Nobody!

Songs 102:25

Long time befo time, You wen make da world. Da sky too, was you wen make um.

Songs 102:26

All dat goin come wipe out, But you goin stay foeva. All dose tings, dey goin come poho. You goin change um jalike clotheses, An dey no goin stay no moa.

Songs 104:5

God, you wen make da world solid On top da foundation You wen make fo um. No way da world goin move from dea, you know.

Smart Guys 3:19

Da One In Charge, he know wat fo do erytime, An dass how come he make da world da right way. He wen put da sky wea he like Cuz he undastan da right way fo do um.

Smart Guys 30:4

You know, no mo nobody but God Can go up inside da sky, Den come back down hea. No mo nobody Can hold da wind inside his two hand Fo make um blow o no blow. No mo nobody Can wrap his coat aroun da ocean fo carry um. No mo nobody Can make da whole world, even da mos far places. If you know somebody dat can do all dat, Let me know who him an wat his name! Let me know who his boy an wat his boy name!

Smart Guys 8:22

Da Wahine Dat Know Wat Fo Do, she tell dis too: “Da One In Charge, he wen make me. Az da firs ting he wen do, Befo all da odda tings he was goin do, Long time befo da time he wen start.

Isaiah 40:14

You tink get somebody Da One In Charge wen aks him wat fo do, An da guy help Da One In Charge fo undastan stuff?! Nah, no mo nobody! You tink get somebody Wen teach Da One In Charge da right way fo judge wass right an wass wrong, O wen teach him bout da world?! Who help him know how fo undastan stuff?! No mo nobody lidat!

Jeremiah 10:12

Da One wen make da earth, was Da One In Charge, Cuz he get powa. He da One make da world stay how stay Cuz he know wat fo do erytime. Jalike he spread out da sky Cuz he know da bestes way fo make um lidat.

Amos 4:13

Amos tell dis: “You know wat? Da One In Charge, Him da One dat shape da mountains. Him da One make da wind blow. Him da One tell peopo eryting he tink. Him da One change da morning light Fo make um come dark one time. Him da One walk on top da mos high places inside da world! An him Da One In Charge A Da Armies. Dass wat kine god him!”

Hebrews 1:10

An God tell dis too: “My Boy, you stay Da One In Charge. From da start, You make da earth an da sky, Wit yoa hands.

Hebrews 1:2

But now, wen eryting almos come pau, God sen his Boy fo talk to us guys. His Boy, he da One dat get eryting from his Faddah. Wen God make da world an da sky, was his Boy dat do da work.

1 Samuel 2:8

Da One In Charge lif up outa da dirt an da ashes Dose peopo dat no mo notting, He let um sit wit all da alii guys. He give dem da right fo sit on top da thrones, An odda peopo goin show dem respeck. “Dass cuz Da One In Charge own All da deep places undaneat da world, An he put da world on top um.