Job 37:4 - Hawaii Pidgin Bible

⁴ Afta da lightning, da big noise come jalike one lion. Da thunda, dass his voice dat show he da greates. Wen he let go his awesome voice, He no hold back!

Job 37:4 ပူးပေါင်းရင်းမြစ်များ

Job 26:14

An dass ony fo start! Us guys ony hear one wispa bout da tings God do! So den, who goin undastan his powa, aah?! No can cuz he strong jalike da thunda!”

Job 28:26

Wen God make da rules bout da rain, An da way fo da thundastorms go,

Job 37:2

Lissen up! All you guys, lissen good to da big noise! Az God voice you hear, jalike thunda!

Job 37:3

He let go his lightning all ova unda da sky. He sen um to da mos far places all ova da world.

Job 37:5

God use his voice Fo make thunda mo awesome den us guys wen hear. He do big tings dat us guys no undastan.

Job 40:9

You tink you strong jalike me, God, o wat? You tink you can talk strong jalike me an make thunda?

Songs 18:14

He sen da lightning jalike he shoot arrows, He make da peopo dat stay agains him Run all ova da place. He make da arrows flash plenny times wit lightning, So da peopo donno wat fo do.

Songs 68:33

Lissen to da One dat stay ride Inside da sky From da time he make da world Till now! Get powa, his voice!

Rules Secon Time 33:26

“No mo anodda god like da God fo Jeshurun, Az da Israel peopo dat stay do wass right, He ride from one side a da sky to da odda side Fo help you guys. He ride jalike da clouds one war wagon fo him Cuz he awesome.